Sağlamlıq
Meyvə və tərəvəz sevənlər üçün ən ideal pəhriz
Bəlkə sizə inandırıcı gəlməyəcək, ancaq istəsəniz, bir həftədə 5 kilo arıqlaya bilərsiniz. Əgər yay mövsümündə daha zərif və incə görünmək istəyirsinizsə, Publika.az-ın təqdim etdiyi bu pəhrizi sınaqdan keçirin.
Öncədən qeyd edək ki, pəhrizi saxlayarkən əlavə olaraq gündə 1 ədəd B və C vitamini kapsulu qəbul etməlisiniz. Hər gün 2 litr su içməyiniz məsləhətdir.
1-ci gün: meyvə
Pəhrizin birinci günündə banan istisna olmaqla, ürəyiniz istəyən hər hansı meyvəni yeyə bilərsiniz. Sadəcə meyvə yeməli və meyvəni yedikdən yarım saat sonra su içməlisiniz.
2-ci gün: tərəvəz
Yeyə bildiyiniz qədər təzə, çiy ya da bişmiş tərəvəz yeyin. Qarğıdalı, noxud və paxla kimi bərk qidalardan uzaq durun.
Ürəyiniz istəsə, bir xörək qaşığı kərəyağı ilə 1 ədəd sobada bişmiş kartof yeyə bilərsiniz.
3-cü gün: meyvə və tərəvəz
Pəhrizin üçüncü günü istədiyiniz meyvə və tərəvəzi yeyə bilərsiniz. Ancaq kartof yeməməlisiniz.
4-cü gün: banan və süd məhsulları
Gün ərzində maksimum 8 ədəd banan yeməyinizə icazə var. 8 stəkan süd içə bilərsiniz. Süd içməyi xoşlamırsınızsa, onun əvəzinə qatıq yeyə bilərsiniz.
5-ci gün: toyuq əti və pomidor
Gün ərzində istədiyiniz qədər toyuq əti, hinduşka və pomidor yeyə bilərsiniz. 3 ədəd pomidor yesəniz, 3 stəkan, 5 pomidor yesəniz, 5 stəkan su için.
6-cı gün: toyuq əti və tərəvəz
İstədiyiniz qədər toyuq əti və müxtəlif tərəvəzlər yeyə bilərsiniz. Sadəcə kartof yeməyin.
7-ci gün: möcüzəvi şorba
Pəhrizin son günü xüsusi reseptlə hazırlanmış şorba içməlisiniz.
Tərkibi:
4-5 ədəd göy soğan
2 ədəd kələm yarpağı
2 ədəd yaşıl bibər
3 kasa doğranmış pomidor
10 ədəd kərəviz (yalnız yaşıl hissəsi)
Hazırlanması:
Bütün ərzaqları doğrayın. Doğradığınız tərəvəzləri bir qazana töküb qarışdırın. Üzərini keçəcək qədər su töküb 10 dəqiqə qaynadın. Daha sonra vam odda tərəvəzlər yumşalana qədər bişirin.
Bu şorbadan gün ərzində istədiyiniz qədər yeyə bilərsiniz.
Qeyd edək ki, bu pəhrizi sadəcə 7 gün saxlamaq olar. Pəhrizdən sağlam həyat tərzinə keçsəniz, çəkinizi qoruya biləcəksiniz. 1 aydan sonra pəhrizi yenidən təkrarlamaq olar.
Ləman Sultan
-
Magazin104:44
Xalq artisti canlı yayımda kövrəldi: “Darıxdığım var” - VİDEO
-
ABŞ03:13
Komaya düşən qalmaqallı bloqer ÖLDÜ
-
Səhiyyə02:42
Ən güclü qan qrupu: onun sahibləri ÇOX YAŞAYIRLAR
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?