Sağlamlıq
Stresslə mübarizə aparan qidalar
Müasir dövrdə stressiz bir gün keçirmək, demək olar ki, mümkünsüzdür.
Bir çox xəstəliklərin yaranmasına gətirib çıxaran stress insanın sosial həyatına da mənfi təsir edir. Ancaq hər problem kimi stressin də çarəsini təbiətdə axtarmaq lazımdır.
Özünüzü gərgin hiss edəndə qidalardan kömək ala bilərsiniz. Bir çox meyvə və tərəvəzlər stresslə mübarizə aparmağa kömək edir. Buna səbəb bəzi qidaların bədəndəki hormon səviyyələrini nizamlaması və stress hormonunu azaltmasıdır.
Lavanda və ya çobanyastığı
Hər iki bitkinin qoxusu insanı sakitləşdirir. Bu bitkilərin çayı da stressə qarşı təsirlidir.
Tünd şokolad
Tərkibinin 70-80 faizi kakao olan tünd şokolad insanı xoşbəxt edir. İsveçrədə aparılan araşdırmalar zamanı 2 həftə ərzində hər gün 28.3 qram şokolad yeyən insanlarda stress hormonunun səviyyəsinin aşağı düşdüyü müşahidə edilib.
Karbohidratlar
Karbohidratlar stressi azaldan serotonin hormonunun daha çox istehsal edilməsinə təkan verir. Serotonin səviyyəsi artanda insan stressdən azad olur, özünü dinc hiss edir.
Ancaq karbohidrat kökəlməyə səbəb olduğu və ürək-damar xəstəliklərinə gətirib çıxara bildiyi üçün diqqətli olmaq lazımdır.
Karbohidratı makaron, çörək kimi zərərli qidalardan deyil, tam taxıllı qidalardan və meyvələrdən əldə etmək məsləhətdir.
Avokado
Avokadonun ehtiva etdiyi omeqa 3 yağ turşusu diqqəti artırır, stressi və gərginliyi azaldır.
Yağlı balıq
Yağlı balıqlar da omeqa 3 yağ turşuları ilə zəngin olurlar. Yağlı balıqlar nəinki, stressi önləyir, hətta depressiyadan çıxmağa da kömək edir.
Qızıl balıq, ton balığı, siyənək balığı ən faydalı yağlı balıq növləri hesab edilirlər.
İsti süd
Süd əzələləri rahatlaşdırır, insanı sakitləşdirir. Hər gecə yatmazdan öncə 1 stəkan isti süd içsəniz, daha tez yuxuya gedər və rahat yatarsınız.
Çərəzlər
Çərəzlər B vitamini baxımından çox zəngindirlər. Eyni zamanda yağ turşuları da ehtiva edirlər. B vitamini stressin azalmasına kömək edir. Püstə, qoz, badam eyni zamanda yüksək qan təzyiqinə qarşı da təsirlidir.
Artıq çəki istəmirsinizsə, çərəzi gündə bir ovucdan artıq yeməyin.
C vitamini
C vitamini də stressi azaldan möcüzəvi təsirə malikdir. Gündə 3000 mg. C vitamini qəbul edən insanlarda stress hormonu kortizolun səviyyəsi aşağı düşür. Ona görə də, mövsümə uyğun olaraq C vitamini ilə zəngin sitrus meyvələrindən və ya çiyələk, qarpızdan istifadə edə bilərsiniz.
Ləman Sultan
-
Avropa17:21
Makrondan qorxunc iddia: Avropa dağılacaq, köçkünlər olacaq
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...