Susuzluq hissini azaltmaq üçün imsakda süd için
Bizi izləyin

Sağlamlıq

Susuzluq hissini azaltmaq üçün imsakda süd için

Türkiyənin tanınmış diyetoloqu professor Nəriman İnanc isti yay günlərinə təsadüf edən Ramazan ayını sağlam şəkildə başa vurmaq üçün imsakda süd içməyi təklif edir. O, bildirib ki, südün zülal dəyəri yüksək olduğu üçün 5 saat ərzində toxluq hissi verir.

O, "Oruc tutanlar imsakda mütləq oyanmalıdır. Çünki imsakda sağlam qidalanmaq aclıq müddətini qısaldır. İmsakda 1 stəkan süd içmək aclıq hissini öldürür, susamağa qoymur. Dolayısı ilə oruc tutmağı asanlaşdırır.

Bir stəkan südün insanı 5 saat tox saxladığı elmi olaraq da sübut edilib. Britaniyadakı Makmaster Universitetində aparılmış araşdırmanın nəticələrinə görə, süd orqanizmdəki maye çatışmazlığı problemini daha tez aradan qaldırır.

Süd zülalla zəngin olduğu üçün toxluq hiss etməyimizə yardımçı olur, həm də maye ehtiyacının ödənilməsinə dəstək olur. Südün tərkibindəki yağ mədədə uzun müddət qalaraq toxluq hissini təmin edir".

İnanc Ramazan ayında qidalanma ilə bağlı bunları qeyd edib: "Sağlam oruc üçün imsakda mütləq oyanmaq lazımdır. İmsakda mədəni daha gec tərk edən, qan şəkərini çox sürətli dəyişdirməyəcək qidalara üstünlük verilməlidir".

Aytən

Oxumağa davam et
Reklam
Reklam

Gündəm