Səhiyyə
Alimlər yeni ağrıkəsici kəşf etdilər – 24 saat davam edən təsiri...
Yaponiyanın Kindai Universitetinin alimləri ağrıların idarə edilməsində əsaslı kəşf ediblər. Hüceyrə yapışma molekulu “CADM1” zülalını hədəf alan yeni antikor olan “3E1” yan təsirləri və uzun müddətli ağrıkəsici təsiri ilə diqqət çəkib.
Publika.az xəbər verir ki, “3E1” antikoru sinir hüceyrələrinin səthində tapılan “CADM1” zülalını hədəf alaraq yalnız həssas sinirlərə təsir göstərir.
Kindai Universiteti Tibb Fakültəsindən Akihiko Ito və Fuka Takeuçinin rəhbərlik etdiyi araşdırma nəticələrini “Life Sciences” elmi jurnalında dərc edib.
Tədqiqat çərçivəsində siçanların dərisinə “3E1” antikoru yeridilmiş və antikorun yalnız dəri altındakı hiss sinirlərində lokallaşdırıldığı müşahidə edilib.
Kimyəvi səbəbli ağrı testlərində “3E1” tətbiq olunan siçanların ağrı ilə əlaqəli davranışlarının nəzarət qrupu ilə müqayisədə əhəmiyyətli dərəcədə azaldığı müşahidə edilib. Bu təsirlər 24 saata qədər davam edib.
Tədqiqat qrupunun fikrincə, “3E1”in ən əhəmiyyətli üstünlüklərindən biri onun motor sinirlərə heç bir mənfi təsir göstərməməsidir.
Siçanlar üzərində aparılan təcrübələrdə müəyyən edilib ki, antikor iflic və ya davranış anomaliyasına səbəb olmayıb, ancaq ağrı hisslərini sıxışdırıb.
Tədqiqatçılar antikorun insanlarda istifadəyə uyğun olması üçün daha uzunmüddətli təsir göstərən versiyaları üzərində işlədiklərini bildiriblər.
Aysel Şahmar
-
Rəsmi xronika15:08Prezident Latviya Prezidentini təbrik etdi
-
Nida Xəbər 14:37ABŞ-da Azərbaycan bayrağı endirilib? - Dövlət Komitəsindən açıqlama
-
Nida Xəbər 14:31Hafiz Məmmədovun ailəsinin əmlakları ilə bağlı yeni qərar
-
Elm və təhsil13:40“Diplom varsa, avtomatik biliklər də var” - Nazir bu yanaşmanı tənqid etdi
-
İdman12:33Məşhur model futbolçunu "ovlamaq" üçün hər yola əl atdı, amma... - FOTO
-
Elm və təhsil12:27Emin Əmrullayevin oğlu deyilmiş? - Uşaq özü HƏQİQƏTİ AÇIQLADI - VİDEO
-
Nida Xəbər 11:33Muxtar Maniyevin oğlu vəzifədən azad edildi
-
Sosial11:18Prezidentin qızı və gəlini konsertdə - FOTOLAR

















.jpg)






















