Son dəqiqə

Türklər Suriyanı bombaladı

28 Mart 2014 11:27

türklər Suriyanı bombaladı

Türkiyənin Hatay vilayətinin Yayladağı mahalına atılan top mərmisinə cavab verilib.Publika.Az – ın Türkiyə mediasına istinadən verdiyi məlumata görə, Hatay valiliyi Suriyaya topçu birlikləri tərəfindən top atəşi açıldığını açıqlayıb.

“27 Mart 2014-cü il tarixində, saat 17:35 radələrində Yayladağı mahalının boş bir ərazisinə Suriya tərəfindən atılan top mərmisi düşüb. Top mərmisinin düşdüyü yer sərhəddən 3 kilometr məsafədə olub. Hər hansı bir itki qeydə alınmayıb. Sərhəddə yerləşən topçu birliklərimiz tərəfindən atəşin açıldığı bölgəyə cavab atəşi açılıb”, - Hatay valiliyin açıqlamasında deyilir.

Qeyd edək ki, mart ayının 23-də Suriya təyyarəsi Türkiyə sərhədləri yaxınlığında vurulmuşdu. Türkiyə tərəfi

təyyarənin sərhədi keçdiyi üçün vurulduğunu bildirsə də, rəsmi Dəməşq hadisənin məhz Suriya sərhədləri daxilində baş verdiyini iddia edir.

Ömər Dağlı