Sosial

Millət vəkili rayon maşınlarının Bakıya buraxılmamasına etiraz etdi

30 Sentyabr 2016 16:54

Milli Məclin bu gün keçirilən plenar iclasında millət vəkili Tahir Kərimli rayon qeydiyyatında olan minik avtomobillərinin Bakıya buraxılmamasına etiraz edib.

Milli Məclin bu gün keçirilən plenar iclasında millət vəkili Tahir Kərimli rayon qeydiyyatında olan minik avtomobillərinin Bakıya buraxılmamasına etiraz edib.

Publika.az xəbər verir ki, Tahir Kərimli rayon qeydiyyatında olan avtomobillərin paytaxta buraxılmamasını vətəndaşların Konstitusiya hüquqlarının pozulması kimi qiymətləndirib:

“İnsanlar rayonlardan Bakıya gəlirlər. Xəstə oldu-olmadı adamlar yolda dayandırılır, maşınlardan düşürülürlər, sonra da başqa maşınla Bakıya gəlirlər. Bununla da icra orqanının qərarı ilə Konstitusiya hüququ məhdudlaşdırılır. Ölkədə qanunların icrasına nəzarət olunmalıdır. Ona görə də təklif edirəm ki, ölkə miqyaslı qanunların icrasına nəzarət orqanı yaradılsın”.

Vasif Həsənli