Sosial
Azərbaycanda daha çox 40 yaşadək kişilər narkotikdən zəhərlənir
Azərbaycanda narkotiklərlə zəhərlənmələr daha çox 20-40 yaşlı kişilər arasında qeydə alınır.
Publika.az xəbər verir ki, bunu Trend-ə Bakı şəhər Baş Səhiyyə İdarəsinin baş toksikoloqu, Kliniki Tibbi Mərkəzin Toksikologiya şöbəsinin həkimi, dosent İsmayıl Əfəndiyev deyib.
Onun sözlərinə görə, 2015-ci illə müqayisədə 2016-cı ildə narkotiklərlə zəhərlənmə halları azalıb. 2015-ci ildə 72, 2016-cı ildə 47 nəfər narkotikdən zəhərlənib. Onların da əksəriyyəti heroin adlı narkotiklərdən zəhərlənib.
İ.Əfəndiyev bildirib ki, Azərbaycanda yeni tip narkotiklərlə zəhərlənmə halları müşahidə edilmir.
Bunu Azərbaycanın sərhəd-keçid məntəqələrində ciddi nəzarətin nəticəsi sayan İ.Əfəndiyev bildirib ki, Avropa ölkələri üçün sintetik narkotiklərdən zəhərlənmə böyük bir problem olsa da, Azərbaycanda bu hal müşahidə edilmir: “Azərbaycanın gömrük, hüquq-mühafizə orqanları bu işlərə çox ciddi nəzarət edirlər. Ona görə Azərbaycanda belə narkotiklərdən zəhərlənmə halları qeydə alınmır”.
İ.Əfəndiyev qeyd edib ki, bir çox ölkələrin yeniyetmələri üçün xarakterik olan zəhərlənmələr - yapışqanların iylənilməsi ilə baş verən zəhərlənmələr Azərbaycan üçün xarakterik deyil: “Azərbaycanda 1990-cı illərin əvvəllərində belə zəhərlənmələr var idi. Lakin son 15-20 il ərzində belə zəhərlənmələr qeydə alınmayıb. Yəni, xəstəxanaya belə xəstə daxil olmayıb”.
-
Sosial12:57
Əhaliyə şad xəbər: bu evlər ucuzlaşacaq
-
Magazin112:22
Məleykə Əsədovanın görün neçə yaşı oldu
-
Region11:42
Nikolyanı Ermənistana buraxmadılar: Qarabağda yaralanmışdı, Qazaxla sərhəddə...
-
Nida Xəbər 11:32
Ermənistan polisi Bağanis-Voskepar yolunu bağladı
-
Sosial11:13
Bütün sosial ödənişlər bu tarixdə veriləcək
-
Magazin111:07
Görün Brilliant Dadaşova oğluna nə dedi: Yalvarmaqdan... - FOTO/VİDEO
-
Dünya10:56
Almaniya prezidenti İstanbulda hər kəsi təəccübləndirdi: Dönər kabab...
-
Nida Xəbər 10:16
General Mirzəyev və 40 məmura sanksiya təklif edilir - SİYAHI