• USD 1,7000 0,00% EUR 1,9570 +0,46%
    • GBP 2,2216 +0,36% RUB 0,0259 0,00%

Vakant dövlət qulluğu vəzifələri üçün müsahibə elan edildi

  • Sosial
  • 25 Avqust 2017 17:41
  • 508 Baxış
Vakant dövlət qulluğu vəzifələri üçün müsahibə elan edildi

Dövlət İmtahan Mərkəzi (DİM) 5 dövlət orqanında 86 vakant vəzifənin tutulması üçün ümumi müsahibə elan edib.

DİM-dən Publika.az-a verilən məlumata görə, ümumi müsahibəyə çıxarılan vakant dövlət qulluğu vəzifələrindən 85-i mərkəzi icra hakimiyyəti orqanlarının (Kənd Təsərrüfati Nazirliyi, Dövlət Statistika Komitəsi, Əmlak Məsələləri Dövlət Komitəsi, Standartlaşdırma, Metrologiya və Patent üzrə Dövlət Komitəsi) mərkəzi aparatları və yerli təşkilatlarında, 1-i isə məhkəmə orqanlarının (Gəncə Apellyasiya Məhkəməsi) aparatındadır.

“Dövlət qulluğu haqqında” qanununun 29-cu maddəsinə uyğun olaraq müvafiq dövlət orqanı üzrə ümumi müsahibəyə çıxarılan vakant dövlət qulluğu vəzifələrinin tutulmasında həmin dövlət orqanında və ya digər dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları, habelə azı 5 il qulluq stajı olan və dövlət orqanında inzibati vəzifələrdə çalışmış şəxslər iştirak edə bilərlər.

Ümumi müsahibədə iştirak etmək istəyən Azərbaycan Respublikası vətəndaşları sənədlərini avqustun 25-dən sentyabrın 14-dək saat 18:00‑dək DİM-in (Gənclik binası, AZ1110, Bakı şəhəri, K.Rəhimov küçəsi, 874-cü məhəllə) şəxsən və ya poçt xidməti vasitəsilə təqdim etməlidirlər.

Ümumi müsahibəyə dair ətraflı məlumat DİM-in rəsmi internet saytında “İnzibati vəzifələrin tutulması üzrə ümumi müsahibə elanları” bölməsində verilib.

Загрузка...

Xəbər lenti

DAHA ÇOX XƏBƏR
/body>