• USD 1,7000 0,00% EUR 1,9423 +0,41%
    • GBP 2,1665 +0,16% RUB 0,0253 -0,40%

3 yaşlı uşağın ölümü ilə bağlı məhkəmə şahidi: Müstəntiq məni hədələdi...

  • Sosial
  • 28 Sentyabr 2017 03:00
3 yaşlı uşağın ölümü ilə bağlı məhkəmə şahidi: Müstəntiq məni hədələdi...

Bu gün Sumqayıt şəhər məhkəməsində 3 yaşlı uşağın ölümündə təqsirləndirilən "Real" Tibb Mərkəzinin həkim-anestezioloqu İsmayıl Qəmbərovun cinayət işi üzrə məhkəmə prosesi davam etdirilib.

Publika.az bildirir ki, hakim Ruqiyyə Səmədovanın sədrliyi ilə keçirilən prosesdə iş üzrə növbəti şahid, "Real" Tibb Mərkəzinin həmin əməliyyatda iştirak edən tibb bacısı ifadə verib. Bu barədə Trend məlumat yayıb.

Tibb bacısı bildirib ki, uşaq əməliyyatdan sonra narkozdan ayılıb və vəziyyəti normal olub: "Uşağa yüksək dozalı narkoz verilməsi yalandır. Bu, müstəntiqin iddiasıdır. Müstəntiq bu işdə tam qərəzli idi. Hətta mənə də təzyiqlər edirdi. Məni hərbi xidmətdə olan oğluma problem yaradacağı ilə hədələyirdi. Uşağın ölümündə İsmayıl Qəmbərovun heç bir günahı yoxdur. Uşaq əməliyyatdan sonra anlaqlı olub, hərəkət qabiliyyətinə malik idi. Müstəntiq isə cinayət işinə görə təzyiqlə şahid ifadələri almağa çalışırdı".

Digər şahidlər gəlmədiyindən proses oktyabrın 4-nə təyin edilib.

İttihama görə, Sumqayıt şəhər sakini, 2014-cü il təvəllüdlü Qurbanlı Arzu Sənan qızı 2016-cı il iyunun 16-da günorta saatlarında Sumqayıt şəhərindəki "Real" Tibb Mərkəzində boğazında damaq badamcıqlarının (qlanda) iltihabından əməliyyat olunub. Həmin gün gecə saatlarında uşağın vəziyyəti pisləşib və o, dünyasını dəyişib. Meyit ekspertizaya göndəriləndən sonra uşağın boğulma nəticəsində dünyasını dəyişdiyi müəyyən edilib.

Faktla bağlı Sumqayıt şəhər Prokurorluğunda Cinayət Məcəlləsinin 124-cü (ehtiyatsızlıqdan adam öldürmə) və 320.1-ci (Rəsmi sənədləri, dövlət təltiflərini, möhürləri, ştampları, blankları saxtalaşdırma, qanunsuz hazırlama, satma və ya saxta sənədlərdən istifadə etmə - hüquq verən və ya vəzifədən azad edən vəsiqəni və ya digər rəsmi sənədi istifadə etmək məqsədi ilə saxtalaşdırma və ya qanunsuz hazırlama, yaxud bu cür sənədi satma, habelə eyni məqsədlə Azərbaycan Respublikasının saxta dövlət təltifini, ştampı, möhürü, blankı hazırlama və ya satma) maddələri ilə cinayət işi başlanılıb və "Real" Tibb Mərkəzinin həkim-anestezioloqu İ.Qəmbərov təqsirləndirilən şəxs qismində cəlb edilib.

Загрузка...

Xəbər lenti

DAHA ÇOX XƏBƏR
/body>