• USD 1,7000 0,00% EUR 2,0179 -0,08%
    • GBP 2,3668 +0,16% RUB 0,0233 0,00%

Fazil Mustafa məcburi köçkünlərin mənzil probleminə toxundu

  • Sosial
  • 15 Dekabr 2017 17:30
  • 632 Baxış
Fazil Mustafa məcburi köçkünlərin mənzil probleminə toxundu

“Müəllim, həkim- yoxsul kontingentə daxil olan insanlardır. Bəzilərinin evində məcburi köçkün qardaşlarımız məskunlaşıb, ev sahibləri də illərdir kirayədə yaşayır”.

Publika.az xəbər verir ki, bu sözləri millət vəkili Fazil Mustafa Mülki Məcəlləyə dəyişiklərlə bağlı müzakirələr zamanı deyib.

Millət vəkili bildirib ki, bu insanların bəziləri mənzil sahibi olmaq üçün bütün ömürboyu gözləməli olublar: “Yaxşı olar ki, biz məcburi köçkünlərin mənzil şəraitinin yaxşılaşdırılması işini qısa zamanda yekunlaşdıraq. "Qaçqınkom" bu məsələyə daha həssas yanaşmalıdır. Həmçinin bir mənzilin bir neçə şəxsə satılması məsələsi ilə bağlı da dəfələrlə bizə müraciət edilib və biz də prokurorluq orqanlarına müraciət edərək məsələnin həllinə kömək etməyə çalışmışıq”.

F.Mustafa vurğulayıb ki, dövlət vətəndaşın şəxsi mülkiyyətinin təmin edilməsi istiqamətində müəyyən addım atılmalıdır. “Bu qanun layihəsi bir sıra problemlərin həllinə kömək edəcək. Lakin hesab edirəm ki, yeni dəyişikliklər 3-4 il əvvəl tikilən evlərə də aid edilməlidir. Bu gün çoxmənzilli binalarda məskunlaşanların əksəriyyətinin sənədi olmur. Onlar mənzillərini satanda bina sahibinə 3-4 min manat əlavə ödəniş etməli olur”.

Gülxar

Halal Nemət

Xəbər lenti

DAHA ÇOX XƏBƏR