• USD 1,7000 0,00% EUR 2,0179 -0,08%
    • GBP 2,3668 +0,16% RUB 0,0233 0,00%

Firdovsi Əliyev: "Alpinistlərin üzvü olduqları klub məsuliyyət daşıyır"

  • Sosial
  • 9 Yanvar 2018 15:57
  • 590 Baxış
Firdovsi Əliyev: "Alpinistlərin üzvü olduqları klub məsuliyyət daşıyır"

"İtkin düşən alpinistlərin lazımi avadanlıqlarla təchiz olunmamasına görə bilavasitə onların üzvü olduqları klub məsuliyyət daşıyır".

Bunu ekologiya və təbii sərvətlər nazirinin müavini Firdovsi Əliyev itkin düşmüş alpinistlərin axtarışı ilə bağlı yaradılan qərargahda keçirilən mətbuat konfransında deyib.

O bildirib ki, "Gilavar" idman klubu Ədliyyə Nazirliyində qeydiyyatdan keçib: "Alpinistlərin itkin düşdüyü ərazi "Şahdağ" Milli Parkının ərazisinə düşür. Milli Parka giriş üçün icazə yalnız flora və faunanın mühafizəsinə görə verilir. Azərbaycan Hava və Ekstremal İdman Növləri Federasiyasının, yaxud bizim nazirliyin onları lazım olan avadanlıqlarla təchiz etmək öhdəliyi yoxdur".

F. Əliyev qeyd edib ki, son 10 il ərzində 400-dən çox alpinistə dağ qalxmaq üçün icazə verilib və bu, ilk belə bədbəxt hadisədir.

Quba rayonu ərazisində itkin düşmüş “Gilavar” idman klubunun 3 üzvü - 1983-cü il təvəllüdlü Namin Bunyatov, 1990-cı il təvəllüdlü Babur Hüseynov və 1991-ci il təvəllüdlü Fəridə Cəbrayılzadənin axtarışı davam etdirilir. (apa)

Halal Nemət

Xəbər lenti

DAHA ÇOX XƏBƏR