• USD 1,7000 0,00% EUR 1,8550 +0,39%
    • GBP 2,1982 -0,46% RUB 0,0259 -0,39%

“Könüllü gömrükçü”lərə “İlk tibbi yardım” üzrə təlim keçirildi - FOTO

  • Sosial
  • 6 Sentyabr 2019 19:10
“Könüllü gömrükçü”lərə “İlk tibbi yardım” üzrə təlim keçirildi - FOTO

Sentyabrın 6-da Ümumdünya Gömrük Təşkilatının Potensialın Gücləndirilməsi üzrə Avropa Regional Ofisində “Könüllü gömrükçü”lərə “İlk tibbi yardım” üzrə təlim keçirilib.

Dövlət Gömrük Komitəsinin Mətbuat və İctimaiyyətlə Əlaqələr İdarəsindən Publika.az-a bildirilib ki, təlimin keçirilməsində məqsəd “Könüllü gömrükçü”lərə bədbəxt hadisələr zamanı insanların həyatını xilas etmək üçün həkimə qədər mülki şəxslərə necə yardım edilməsini göstərmək, onların bu sahədəki bilik və bacarıqları artırmaq olub.

Tədbiri giriş sözü ilə açan Dövlət Gömrük Komitəsi Sosial İnnovasiyalar və Analitik Təhlil İdarəsinin rəisi Vüqar Əliyev bildirib ki, gənclərin potensialından daha səmərəli istifadə etmək, onlara peşə vərdişlərini aşılamaq, təcrübi biliklərini artırmaq, onların yaradıcı və innovativ potensialının üzə çıxarılmasını dəstəkləmək və inkişaf etdirmək məqsədilə Komitə sədri tərəfindən “Azərbaycan Respublikası Dövlət Gömrük Komitəsinin (DGK) sistemində könüllülük hərəkatının inkişafı ilə bağlı tədbirlər haqqında” Sərəncam imzalanıb. İdarə rəisi qeyd edib ki, Prezident İlham Əliyevin tövsiyələrini, könüllülük fəaliyyətinin ictimai, sosial və tərbiyəvi əhəmiyyətini rəhbər tutaraq, DGK-də yaradılan “Könüllü gömrükçü” dəstəsinə ilk dəfə olaraq 131 nəfər könüllü qatılıb. Hazırda könüllü gömrükçülər DGK-nın aidiyyəti üzrə struktur bölmələrində öz fəaliyyətlərini uğurla davam etdirirlər. “Könüllü gömrükçü” dəstəsinin 9 üzvünün Komitənin Tibbi Xidmət İdarəsində təcrübə keçdiyini bildirən Vüqar Əliyev bugünkü təlimin DGK-nın digər struktur bölmələrində fəaliyyət göstərən könüllülərə də ilk tibbi yardım göstərilməsinə dair faydalı məlumatlar və praktiki biliklər qazandıracağına əminliyini ifadə edib.

Dövlət Gömrük Komitəsi Tibbi Xidmət İdarəsinin rəis müavini Şahlar Mirqasım Mərkəzi Gömrük Hospitalının təcili tibbi yardım xidməti haqqında ətraflı məlumat verib. O qeyd edib ki, 8 sentyabr Dünya İlk Tibbi Yardım Günü münasibətilə təşkil edilən təlimə Mərkəzi Gömrük Hospitalının Təcili Yardım şöbəsinin və “Up-to-date in medicine Tibbi Konsaltinq” şirkətinin təcrübəli həkimləri cəlb olunub. Bildirilib ki, heç kəs bədbəxt hadisədən sığortalanmayıb və hər birimiz zərərçəkənin yerində ola bilərik, gələcəkdə qarşılaşdığınız hadisələrdə izləyici yox, yardımçı olmağa çalışmalısınız.

Daha sonra təlim başlayıb. Təlimçilər - Tibbi Xidmət İdarəsinin Təcili Yardım şöbəsinin həkimi Cavad Cabbarov və “Up-to-date in medicine Tibbi Konsaltinq” şirkətinin layihə rəhbəri Nabil Seyidov ilk tibbi yardım nədir, böyüklərdə ilk tibbi yardım, yanıqlar və travmalar, qanaxmalar və şok haqqında məlumatlar veriblər.

İnteraktiv keçən təlimin sonunda “Könüllü gömrükçülər” öyrəndikləri bilikləri təcrübədə tətbiq etmək imkanı əldə ediblər. Onları ilk tibbi yardımla bağlı maraqlandıran bütün suallar təcrübəli həkimlər tərəfindən ətraflı cavablandırılıb.

Sonda “Könüllü gömrükçü”lərə sertifikatlar verilib.

Halal Nemət

Xəbər lenti

DAHA ÇOX XƏBƏR