Nazir: Koronavirus təhlükəsinə görə tədbirlərə məhdudiyyət qoyulmayacaq
Bizi izləyin

Sosial

Nazir: Koronavirus təhlükəsinə görə tədbirlərə məhdudiyyət qoyulmayacaq

Azərbaycanda koronavirus təhlükəsi ilə bağlı kütləvi mədəni tədbirlərin keçirilməsinə hansısa məhdudiyyətin qoyulması əsassızdır.

Bunu jurnalistlərə açıqlamasında Mədəniyyət naziri Əbülfəs Qarayev deyib. Onun sözlərinə görə, əgər Azərbaycanda koronavirusun yayılması faktı aşkarlansa, sözsüz ki, mədəniyyət ocaqlarında kütləvi tədbirlərin keçirilməsi ilə bağlı müəyyən məhdudiyyətlər qoyula bilər.

Nazir vurğulayıb ki, sərhəd keçid məntəqələrində bütün lazımi yoxlamalar həyata keçirilir: “Hesab edirəm ki, hansısa tədbirin keçirilməsinə məhdudiyyət qoymağa əsas yoxdur. Düzdür, bu virus dünyada artıq geniş yayılıb, lakin ölkədə müvafiq dövlət qurumları tərəfindən ölçülər götürülür və kütləvi şəkildə məhdudiyyətlərdən danışmaq əsassızdır”. (trend)

Oxumağa davam et
Reklam
Reklam

Gündəm