• USD 1,7000 0,00% EUR 2,0120 -0,37%
    • GBP 2,2300 -0,13% RUB 0,0232 -0,43%

ARB TV-nin koronavirusa yoluxan əməkdaşı - "Birdən-birə..."

  • Sosial
  • 1 İyul 2020 22:44
  • 1 240 Baxış
ARB TV-nin koronavirusa yoluxan əməkdaşı -  "Birdən-birə..."

“İyunun 21-də COVID-19 testinin nəticəsi müsbət gələndən sonra təcili yardım məni Mərdəkanda yerləşən 26 saylı Birləşmiş şəhər xəstəxənasına yerləşdirdi. Elə həmin gündən də müalicə prosesi başladı...”

Publika.az xəbər verir ki, bunu ARB TV-nin koronavirusa yoluxmuş əməkdaşı Azər Ağayev sosial media hesabında paylaşıb.

“İlk olaraq qeyd edim ki, olduğum xəstəxanada tibbi personal azlıq təşkil edirdi. Üç növbə işləyirdilər. Hər növbə səkkiz saat çalışırdı. Formada işləməyin necə çətin olduğunu artıq hamı bilir. Lakin buna baxmayaraq, həkimlər əlindən gələni əsirgəmirdi” - deyə, A.Ağayev müşahidələrini bölüşüb.

Jurnalist keçirdiyi xəstəliyin əlamətlərini də bölüşüb:

“Xəstəliyin halsızlıq, boğulmalar, qızdırma, öskürək və digər simptomları var. Yüngül və ağır formaları var idi. Reanimasiyada canı ilə savaşandan tutmuş, palatada halsız uzanana qədər... Virus isə anbaan adamın vəziyyətini dəyişirdi. Yaxşı olduğun yerdə boğulma tutur, ya qızdırma qalxırdı...

Xəstəxana ortamı isə bir tərəfdən adama psixoloji təsir edirdi... Uzandığın yerdə kiminsə ölüm xəbərini eşidirsən, yaxud meyit ilə üzbəüz gəlirsən. Gecə yatdığın yerdə pəncərəndən ağlaşma səsləri gəlir. Ya kimsə ölüb, vəziyyəti ağırlaşan var. Ya da xəstənin uzandıq yerdə ağırlaşaraq reanimasiyaya aparıldığının şahidi olursan.

26 saylı xəstəxanaya ilk gedənlərdən idim. Sonrakı günlərdə isə xəstə sayı o qədər artmışdı ki, palatalar, demək olar, dolmuşdu. Xəstəxanada çarpayı çatmırdı. Mənə verilən çarpayının döşəkçəsi iki gün belimi qırırdı. İki gündən sonra, sağ olsunlar, dəyişdilər.

Əsas odur ki, bu gün müalicə bitdi, evimə təxliyyə oldum. Düzdür, bəzi boğulmalar hələ də var, amma bu da keçəcək. İndi isə 14 günlük ev karantini başlayır...”

Halal Nemət

Xəbər lenti

DAHA ÇOX XƏBƏR