Sosial

Aktaudan 30 nəfər vətənə gətirildi

30 İyul 2020 07:17

Koronavirus (COVID-19) pandemiyasının yayılma təhlükəsi səbəbindən sərnişinlər üçün sərhədlərin bağlanmasına görə Qazaxıstanda müəyyən səbəblərdən qalan daha 30 həmyerlimiz vətənə yola salınıb.

Azərbaycanın Aktaudakı Baş konsulluğundan Publika.az-a verilən məlumata görə, “Azərbaycan Xəzər Dəniz Gəmiçiliyi” QSC-nin “Professor Gül” bərə gəmisi ilə yola salınan vətəndaşlar ilk olaraq COVID-19 pandemiyası ilə əlaqədar testdən keçiblər və testin nəticəsi bütün sərnişinlərdə mənfi çıxıb.

Qeyd edək ki, bundan əvvəl Baş konsulluq vasitəsilə Aktau limanından gəmi ilə 77 nəfər artıq vətənə göndərilib.

Baş konsulluqda Azərbaycana təxliyəni gözləyən vətəndaşların qeydiyyat prosesi davam etdirilir. Növbəti qrupun da mərhələli şəkildə Azərbaycana yola salınması nəzərdə tutulub.