Sosial
Deputatdan “Sədərək” və “Binə” ilə bağlı TƏKLİF
Payızda karantin rejiminin sərtləşdirilməsinə qarşıyam.
Bu sözləri Axar.az-a açıqlamasında millət vəkili Fazil Mustafa payız-qış dönəmində karantin qaydalarının yenidən sərtləşdirilmə ehtimalına münasibət bildirərkən deyib. Millət vəkilinin sözlərinə görə, koronavirusa yoluxmuş əksər insanlar xəstəxanaya müraciət etmir, müalicələri evlərində aparılır:
“Ona görə də dövlət evlərdə müalicə alan insanlara dəstək barədə düşünməlidir. Təbii ki, kritik vəziyyət yaranarsa, xəstəxanaya qaldırılanlar da olacaq. Amma əsas diqqət evlərdə müalicə alanların üzərində olmalıdır”.
Deputatın fikrincə, iri ictimai iaşə obyektləri də artıq fəaliyyətə başlamalıdır:
“Sədərək”, “Binə” kimi ticarət mərkəzləri də açılmalıdır. Sadəcə olaraq, bu yerlərə avtobus fəaliyyət göstərməməlidir. Hər kəs şəxsi avtomobildən, taksidən istifadə etməklə öz fəaliyyət sahəsində işinə davam etməlidir. Avtobus və metroların fəaliyyətini məhdudlaşdırmaq olar, çünki ən çox yayılma riski buradadır. Normal iş yerlərində, yaxud ticarət müəssisələrində yayılma riski yüksək deyil”.
Deputat qeyd edib ki, məsafə gözlənilirsə, ara məsafəsi saxlanılırsa, insanların əyləncəsi, istirahəti üçün digər restoranların da açılması məqsədəuyğun olar:
“Bakı küləkli şəhərdir, payızda yağışlar da yağacaq. Kafe və restoranlara yalnız çöldə işləmək üçün icazə vermək həmin müəssisələrin zərərinədir. Ona görə də müəyyən yumşaltmalara getmək olar. Əgər görsək ki, payızda yoluxanların sayı artmaqda davam edir, o zaman sərt karantinə keçə bilərik”.
-
Nida Xəbər 09:30
Bakıda bu ərazi sökülür - Sakinlər narazıdır
-
Avropa09:00
Putinin sabiq həyat yoldaşı Lyudmilanın hazırkı ərinin villası bu ölkədə müsadirə edildi
-
Nəqliyyat08:25
Paytaxtın bu yollarında tıxac yarandı - SİYAHI
-
Sağlamlıq07:37
Yaz aylarında infarkt riski artır - Hansı tədbirləri görmək lazımdır?
-
Ekopublika.az07:25
Azərbaycanda bəzi ərzaq məhsulları ucuzlaşdı - VİDEO
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU