KİVDF qalib jurnalistləri mükafatlandırdı - FOTO

“Azərişıq” ASC və KİVDF tərəfindən jurnalistlər üçün təşkil olunan yazı müsabiqəsinin qalibləri müəyyənləşib.

Publika.az xəbər verir ki, sahəvi jurnalistikanın inkişafının stimullaşdırılması məqsədi ilə “Azərişıq” Açıq Səhmdar Cəmiyyəti və Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu tərəfindən müsabiqə çərçivəsində jurnalistlər üçün öncə 5 günlük təlim təşkil edilib.

Təlimlərdə jurnalistlər energetika sahəsinin xüsusiyyətləri və “Azərişıq” ASC-nin 5 illik fəaliyyəti ilə tanış olub, onlara həyata keçirilən layihələr, mövcud yarımstansiyalar, tətbiq olunan innovativ yeniliklər, elektrik veriliş xətləri haqqında ətraflı məlumat verilib. Təlimlərin yekununda media nümayəndələri üçün Yarımstansiya muzeyi və Yeni Yaşma Külək Elektrik Parkına ekskursiyalar təşkil edilib. Sonra təlim iştirakçıları layihənin digər mərhələsinə - “Azərişıq” ASC-nin 5 illik fəaliyyəti – inkişafın işıq surəti” mövzusunda yazı müsabiqəsinə qatılıb.

Müsabiqə mərhələsində yazıların qiymətləndirilməsi təşkilatçılar tərəfindən cəlb edilmiş müstəqil ekspertlər tərəfindən həyata keçirilib. Elan olunan mövzuda 3 (üç) əsas mükafatçı müəyyən edilib və müfakatlandırılıb.

Mükafatlandırılanlar sırasında əməkdaşımız Aytən Novruz da var.