Sosial

Daha 7 qazi Türkiyəyə yola salındı - FOTO

31 May 2021 16:20

Ağır yaralanan daha 7 qazi “YAŞAT” Fondu tərəfindən Türkiyəyə göndərilib.

Bu barədə Publika.az-a Fonddan məlumat verilib.Türkiyəyə göndərilən qazilər aşağıdakılardır:

1. İslamov Vüsal İslam oğlu
2. Hüseynov İsmayıl Məhəmməd oğlu
3. Bayramov Rahul Mərdan oğlu
4. Quliyev Adil Şahbaz oğlu
5. Əliyev Ruslan Mustafa oğlu
6. Əhmədov Saməddin Həmid oğlu
7. Qurbanov Əbülfət Tanrıverdi oğlu

"YAŞAT" Fondu tərəfindən Türkiyədən ölkəmizə gətirilən, həmçinin yerli həkimlərin rəyi nəzərə alınaraq qazilərimizin müvafiq müayinə, müalicə və reabilitasiya prosesi Türkiyədə davam etdiriləcək.

“YAŞAT” Fondu qazilərimizin müalicəsini tam yekunlaşana qədər nəzarətdə saxlayacaq. Fond tərəfindən həkim rəyi əsasında ağır yaralı olan qazilərimizin müalicə üçün xaricə davamlı şəkildə göndərilməsi təmin edilir.

Xatırladaq ki, Fond tərəfindən bu günə qədər 94 qazimiz müalicə üçün Türkiyəyə göndərilib. Onlardan 32-nin müalicə proseduru artıq uğurla yekunlaşıb və Vətənə qayıdıblar. Qazilərimizin qarşıdakı aylarda müalicəsi üçün nəzərdə tutulan dərman vasitələri də Fond tərəfindən təmin edilib.

“YAŞAT” Fonduna müraciət etmək və Fondun fəaliyyəti ilə tanış olmaq üçün yashat.gov.az portalı istifadədir.

Fondun hesabatlılığı ilə tanış olmaq üçün keçid: https://yashat.gov.az/report/tableau

Həmçinin Fondun 8110 “Çağrı” Mərkəzi fəaliyyət göstərir.