Sosial

Laçında həlak olan hərbçimiz dəfn olundu - FOTO

17 İyun 2021 20:24

İyun ayının 16-da Dövlət Sərhəd Xidmətinin (DSX) Sərhəd Qoşunlarının “Qubadlı” əlahiddə sərhəd diviziyasının xidməti ərazisində Laçın rayonunun Cicimli kəndi yaxınlığında “MAZ” markalı yük avtomobili ilə qəzaya düşərək dünyasını dəyişən hərbi qulluqçumuz baş leytenant Nəsibov Elməddin Süleyman oğlu ilə vida mərasimi keçirilir.

Publika.az-ın bölgə müxbirinin verdiyi məlumata görə, vida mərasimi şəhidimizin dünyaya göz açdığı Tovuz rayonunda keçirilir.

Vida mərasimində şəhidimizin döyüş yoldaşları, Dövlət Sərhəd Xidmətinin rəsmiləri, rayon ictimaiəti iştirak edir.

Məlumat üçün bildirək ki, 32 yaşlı baş leytenant 3-cü dərəcəli Vətən uğrunda, Qubadlı və Cəbrayılın azad olunmasına görə medalları ilə təltif olunub.

Şəhidimiz ailəli idi.

Allah rəhmət eləsin!