• USD 1,7000 0,00% EUR 1,9208 0,00%
    • GBP 2,2592 0,00% RUB 0,0230 0,00%

DİN: Uşaqlar daha çox ailədə zorakılığa məruz qalır

DİN: Uşaqlar daha çox ailədə zorakılığa məruz qalır

Uşaqlar daha çox ailədə zorakılığa məruz qalır.

Publika.az xəbər verir ki, bunu Bakı Şəhər Baş Polis İdarəsinin İctimai Təhlükəsizlik İdarəsinin baş inspektoru Kəmalə Ələkbərova bildirib.

O qeyd edib ki, Azərbaycanda uşaqların zorakılığa məruz qalması ilə bağlı faktlar var.

"Bu gün psixoloqların yardımına böyük ehtiyac var. Çünki cütlüklər tələsik ailə qururlar. Bəzən hətta 30 yaşında evlənənlər belə ailənin nə olduğunu dərk etmir, ailə planlaması şüurlu şəkildə aparılmır. Bu da gələcəkdə problemlərin yaranmasına gətirib çıxarır", - deyə K.Ələkbərova qeyd edib.

Kəmalə Ələkbərova məktəblinin qaçırılması hallarından da danışıb. Qeyd edib ki, belə hallar çox deyil.

"Çox vaxt belə hadisələr boşanan valideynlərin ailələrində baş verir. Ailələr boşanan zaman düşmən kimi boşanırlar. Ata deyir ki, övladımı sənə göstərmək istəmirəm. Tutaq ki, ana evdən uşağı aparır, deyirlər ki, uşaq oğurlanıb. Elə xırda nüanslar var ki, onu şişirdib başqa cür də verə bilərlər.

O ki qaldı məktəblərin təhlükəsizliyi ilə bağlı resurslara - kameralara, harada ehtiyac olursa, təmin olunur. Hansı hallarda ki, yoxdur, valideynlər məktəb rəhbərliyinə müraciət edə bilərlər. Bəzi neqativ halları görmək üçün məktəblərin özlərinin təşəbbüsü olmalıdır. Bütün məktəblərin həyətində polis dayana bilməz. Vətəndaşlara üz tutub deyirəm ki, diqqətli olsunlar" - deyə, baş inspektor qeyd edib.

Halal Nemət

Xəbər lenti

DAHA ÇOX XƏBƏR