Direktorun işdən qovduğu 67 müəllimlə bağlı YENİ XƏBƏR
Bizi izləyin

Sosial

Direktorun işdən qovduğu 67 müəllimlə bağlı YENİ XƏBƏR

Azərbaycan Dövlət Mədəniyyət və İncəsənət Universitetinin nəzdindəki Humanitar Kollecin 67 müəlliminin işdən çıxarılması ilə bağlı qalmaqal davam edir. Çıxarılan müəllimlər 8 aydan çoxdur nə yeni işlə təmin oluna bilirlər, nə də əvvəlki yerlərinə qaytarılırlar. Məsələ ilə bağlı Binəqədi Rayon və Apellyasiya məhkəmələrində 12 məhkəmə prosesi keçirilib.

Publika.az xəbər verir ki, bu barədə işdən çıxarılan müəllimlərdən biri, Humanitar Kollecin keçmiş şöbə müdiri Xəyalə Əhmədova məlumat verib.

Hazırda işə Apellyasiya Məhkəməsində baxıldığını vurğulayan Xəyalə Əhmədova proseslərin hələlik onların xeyrinə davam etdiyini bildirib.

Xəyalə Əhmədova Nərmin Qaralovanın heç bir məhkəmə prosesində iştirak etmədiyini də qeyd edib:

“Onun hüquqlarını müdafiə edən şəxs proseslərə qatılır. Bizim üçün heç bir fərqi yoxdur. Əsas odur ki, haqlı olduğumuz sübut olunsun və məhkəmənin qərarı ilə işimizə bərpa edilək. Hələ ki məhkəmə prosesləri 90 faiz xeyrimizə davam edir. Gözləyirik”, - deyə o bildirib.

Xatırladaq ki, ötən il noyabrın 26-da direktor Nərmin Qaralovanın əmri ilə Azərbaycan Dövlət Mədəniyyət və İncəsənət Universitetinin nəzdində Humanitar Kollecin (Keçmiş Mədəni Maarif Texnikumu) 67 müəlliminin işinə rəsmi xitam verilib.

Çıxarılan müəllimlərdən 46-sı ali təhsilli müəllim, 21-i orta ixtisas təhsilli şəxs, 5-i isə şöbə müdiridir.

(Bizim.Media)

Oxumağa davam et
Reklam
Reklam

Gündəm