Sosial

Həbsdə olan sabiq icra başçısı xəstəxanaya köçürüldü

6 Oktyabr 2022 11:59

Yevlaxın həbsdə olan sabiq icra başçısı Qoca Səmədovun səhhəti pisləşib.

Publika.az xəbər verir ki,bu barədə onun vəkili Elnur Vəliyev Qafqazinfo-ya açıqlama verib.

O bildirib ki, Qoca Səmədov cəza cəzaçəkmə müəssisəsindən Pentensiar Xidmətin müalicə müəssisəsinə köçürülüb:

"Sabiq icra başçısı hazırda həkim nəzarəti altındadır. Onunla görüşəndə özünü yaxşı hiss etmədiyini dedi. Ürəyinə kardioqrama etmişdilər. Məlum oldu ki, ürəyində çat yaranıb. Bildiyiniz kimi ürəyindən bu günə kimi 3 dəfə əməliyyat olunub. Çox güman ki, yenidən əməliyyat olunacaq".

Xatırladaq ki, Q.Səmədov 2019-cu ildə Dövlət Təhlükəsizliyi Xidməti (DTX) tərəfindən keçirilən əməliyyatla saxlanılıb. O, vəzifə səlahiyyətlərindən sui-istifadə, külli miqdarda rüşvət alma, mənimsəmə və digər faktlara görə 7 il 3 ay azadlıqdan məhrum edilib. Apellyasiya Məhkəməsi sabiq icra başçısının səhhətini nəzərə alaraq həbs müddətini 6 ilə, Ali Məhkəmə 5 il 9 aya endirib.