Bu məhsullar beyni pozur

Spirt, trans yağlar, qızardılmış və şirin qidalar beyin funksiyasını pozur.

Publika.az xəbər verir ki, bu sözləri rusiyalı dietoloq, endokrinoloq Natalya Lazurenko bildirib.

Deyib ki, spirtli içkilər zəhərli təsirə malikdir və mərkəzi sinir sisteminə mənfi təsir göstərir. Həmçinin, spirt neyronların fəaliyyətini azaldır, əhval-ruhiyyənin pisləşməsinə və depressiyaya səbəb olur.

Lazurenko qida rasionundan trans yağları və çox bişmiş qidaları çıxarmağı tövsiyə edib: “Zəhərli məhsullar sayəsində insan daha az qida alır, çünki onlar damarların divarında çökür və nəticədə qida maddələri uzaq ərazilərə doğru irəliləyə bilmir. Bundan başqa, ağ undan hazırlanan şəkər, xəmir və çörək beyinə zərərlidir".

Həmçinin dietoloq əlavə edib ki, bu məhsullar bədəndə qlikasiya prosesini sürətləndirir, bunun nəticəsində "biomolekulların şəkərləşməsi" baş verir. Qlikasiya məhsulları bədənimizdə qida maddələrinin, sinir impulslarının ötürülməsini maneə törədən müəyyən strukturlarda sözdə çarpaz bağlantılar yaradır və beyin sözün əsl mənasında ölməyə başlayır.

Ayşən Rəhim