Apteklərdə bu dərman tapılmır - Həkimdən HƏYƏCAN TƏBİLİ

Uzun müddətdir paytaxtdakı apteklərdə bəzi dərman preparatları tapılmır.

Publika.az xəbər verir ki, Rusiya-Ukrayna müharibəsinin başlamasından sonra yoxa çıxan bəzi dərmanlar həm həkimləri, həm də pasientləri və onların yaxınlarını çıxılmaz vəziyyətdə qoyub.

Tapılmayan dərmanlar əsasən psixoloji xəstəliklərdən əziyyət çəkən pasiyentlərin müalicəsində istifadə olunan preparatrlardır.

Psixiatr Orxan Fərəcli hazırda “Depacin-Chrono” adlı dərman preparatının tapılmadığını söyləyib.

“İndi də “Depacin-Chrono” adlı dərman tapılmır. Hansı ki, bu dərman bipolyar affektiv pozuntu və epilepsiyanın müalicəsində istifadə olunan təməl dərmanlardan biridir”, - deyə həkim qeyd edib.

Qeyd edək ki, bir müddət əvvəl Bakıda apteklərdə şizofreniya xəstələrinin müalicəsində istifadə olunan Haloperidol, eyni zamanda 5-NOK, Menovazin, Valerian ekstrakt, Denol, Anaprilin kimi dərmanlar tapılmırdı. Bu preparatlar ölkəmizə əsasən Rusiya, Belarus və Ukraynadan gətirilir.

Akqabay Mıradov