Sosial

Azərbaycan Qarabağ zəfərindən sonra demokratiya zəfəri yaşadı - Akkan Suver

8 Fevral 2024 11:00

"Azərbaycanda keçirilən seçkilər şəffaf, ədalətli və beynəlxalq standartlara uyğun şəkildə baş tutdu. Yüksək seçici aktivliyinin olduğunu deyə bilərik".

Publika.az xəbər verir ki, bu barədə Türkiyə Mərmərə Vəqfinin rəhbəri Akkan Suver prezident seçkilərində aparılan monitorinqin yekunlarına dair brifinqdə bildirib.

Akkan Suver qeyd edib ki, Qarabağ zəfərindən sonra Azərbaycan demokratiya zəfəri yaşadı:

"Bu seçkilər təkcə Azərbaycan üçün yox, həm də Qafqaz coğrafiyasının gələcəyi üçün böyük uğurdur. Avropada çoxsaylı seçkilərin şahidi olmuş bir şəxs kimi deyə bilərəm ki, Azərbaycandakı seçkilər heç nəyi ilə geridə qalmır, hətta seçkiyə olan münasibət baxımından daha da öndədir.

Seçkilərdə bütün demokratik prinsiplərə əməl olunub. Mədəni, şəffaf bir seçimə şahid olduq. İnsanların seçkiyə münasibəti, seçki qutularına sahib çıxması xüsusilə əhəmiyyətli idi. Azərbaycanın dünən demokratiya zəfəri yaşadığını əminliklə deyə bilərik"

Roza Şəfiyeva