Sosial
Həbs olunan polkovnik və mayora ittiham irəli sürüldü - YENİLƏNDİ
Azərbaycan Respublikası Hərbi Prokurorluğunun İstintaq idarəsində istintaq olunan cinayət işi üzrə müvafiq əməlləri törətməsinə əsaslı şübhələr olan Səfərbərlik və Hərbi Xidmətə Çağırış üzrə Dövlət Xidmətinin Daşkəsən rayon bölməsinin rəisi vəzifəsini icra edən, mayor Əsgərov Anar Şakir oğluna Azərbaycan Respublikası Cinayət Məcəlləsinin 311.3.2-ci maddəsi ilə ittiham elan edilib.
Bu barədə Publika.az-ın sorğusuna cavab olaraq hərbi prokurorun böyük köməkçisi - Hərbi Prokurorluğun Mətbuat xidmətinin rəhbəri, baş ədliyyə müşaviri Firad Əliyev məlumat verib.
Məlumata görə, Hərbi Prokurorluğunun təqdimatına əsasən, Bakı Hərbi Məhkəməsinin qərarı ilə onun barəsində 4 ay müddətinə həbs qətimkan tədbiri seçilib.
Qeyd edilib ki, həmçinin Azərbaycan Respublikası Hərbi Prokurorluğunun İstintaq idarəsində istintaq olunan cinayət işi üzrə muvafiq əməlləri törətməsinə əsaslı şübhələr olan Səfərbərlik və Hərbi Xidmətə Çağırış üzrə Dövlət Xidmətinin Şuşa şəhər şöbəsinin sabiq rəisi, polkovnik Qurbanov Seymur Pənah oğluna Azərbaycan Respublikası Cinayət Məcəlləsinin 178.2.2-ci, 311.3.2-ci və digər maddələri ilə ittiham elan edilib. Onun da barəsində 4 ay müddətinə həbs qətimkan tədbiri seçilib.
Hazırda istintaq davam etdirilir və qanunvericiliyin tələblərinə uyğun olaraq bütün tədbirlərin görülməsi, o cümlədən hər bir fakta və əmələ hüquqi qiymət verilməsi təmin ediləcək.
***
İbtidai araşdırmaya prosessual rəhbərliyi həyata keçirən prokuror təqsirləndirilən polkovnikin həbsini tələb edib.
Bakı Hərbi Məhkəməsi Hərbi Prokurorluğun təqdimatını əsaslı hesab edib.
Qərara əsasən Seymur Qurbanov barəsində 4 aylıq həbs-qətimkan tədbiri seçilib.
***
Səfərbərlik və Hərbi Xidmətə Çağırış üzrə Dövlət Xidmətinin Şuşa şəhər Şöbəsinin sabiq rəisi polkovnik Seymur Qurbanov saxlanılıb.
Publika.az “Qafqazinfo”a istinadla xəbər verir ki, S.Qurbanov korrupsiya cinayətlərində və dələduzluqda şübhəli bilinir.
Hazırda polkovnikin prokurorluqda ifadəsi alınır.
Xatırladaq ki, ötən gün Xidmətin Daşkəsən rayon şöbəsinin rəisi mayor Anar Əsgərov da həbs olunub.
-
Sosial18:55
Həbs olunan polkovnik və mayora ittiham irəli sürüldü - YENİLƏNDİ
-
MDB17:45
Lukaşenko yenə nüvə ilə hədələdi: Minsk bu ssenariyə hazırlaşır
-
ABŞ16:03
Məni sərtləşdirən o oldu: Melanya Tramp haqda elə şeylər danışdı ki...
-
Dünya15:50
İran İsrailə qarşı böyük müharibəyə başlayır? - ABŞ şok detalları açıqladı
-
Hadisə15:10
TƏCİLİ! Xəzər TV-nin binası tam boşaldıldı - VİDEO/YENİLƏNDİ
-
Hadisə14:56
Bakıda güclü yanğın: Bir neçə avtomobil yandı - VİDEO
-
Köşə14:23
44 günə çin çıxan 30 illik yuxu
-
Avropa12:54
Putin göstəriş verib: Kreml onları Kurska göndərdi