Sosial

Silah və texnika payız-qış mövsümündə istismar rejiminə keçirilir - VİDEO

18 Oktyabr 2024 13:12

Azərbaycan Ordusunda 2024-cü ilin hazırlıq planına uyğun olaraq, silah, döyüş və xüsusi texnikanın payız-qış mövsümündə istismar rejiminə keçirilməsi üzrə kompleks tədbirlər icra edilir.

Bu barədə Publika.az-a Müdafiə Nazirliyindən (MN) bildirilib.

Qeyd edilib ki, hərbi hissələrdə silah və texnikanın payız-qış mövsümündə fasiləsiz və düzgün istismarını təmin etmək məqsədilə bölmələr mərkəzləşdirilmiş qaydada yanacaq-sürtgü materialları, həmçinin digər zəruri ehtiyat hissələri və avadanlıqlarla təmin olunur.

"Kompleks tədbirlər çərçivəsində texnikanın yanacaq-sürtgü materialları mövsümə uyğun dəyişdirilir, həmçinin elektrik və hidravlik sistemlərin istismara yararlılığı yoxlanılır", - məlumatda bildirilib.

Silah və texnika payız-qış mövsümündə istismar rejiminə keçirilir.