Sosial

Yumurta qiymətləri rekord həddə çatdı

8 Fevral 2025 14:10

ABŞ-da tez-tez rast gəlinən quş qripi epidemiyası səbəbiylə toyuqların kəsilməsi yumurta istehsalına mənfi təsir edib və qiymətləri artırıb.

Publika.az xəbər verir ki, Nyu-York şəhəri və ətrafındakı ərzaq mağazaları müştərilərin yumurta almasını məhdudlaşdırıb, bəzi mağazalarda yumurtanın qiyməti rekord həddə - 10 dollara çatıb.

Nyu-Yorkda bəzi əyalətlərdə quş qripinin qarşısını almaq üçün quş bazarları da müvəqqəti bağlanıb. Bəzi ərzaq mağazaları müştərinin maksimum üç qutu yumurta ala biləcəyini bildirib. Toyuq məhsullarının saxlandığı rəflərin çoxu boşdur.

Bundan əlavə, Amerika mətbuatında yer alan xəbərlərə görə, quş qripinin yenidən ortaya çıxması səbəbiylə 2022-ci ildən bəri ABŞ-da 110 milyon yumurtlayan toyuq məhv edilib. Yumurtalı səhər yeməyi və sendviç satan bəzi restoranlar menyu qiymətlərini artırıb.

Digər tərəfdən, ABŞ Əmək Nazirliyinin məlumatlarına görə, son 5 ildə ölkədə yumurta qiymətlərində çox artım var.

Aysel Şahmar