Əli Əsədov daha iki qərar imzaladı

Nazirlər Kabineti “Alkoqollu içkilərin pərakəndə satışına dair minimum qiymətin müəyyən edilməsi Qaydası”nı təsdiq edib.

Publika.az xəbər verir ki, bununla bağlı Baş nazir Əli Əsədov yeni qərar imzalayıb.

İqtisadiyyat Nazirliyi bu qərardan irəli gələn digər məsələləri həll etməlidir.

Qayda “İstehlakçıların hüquqlarının müdafiəsi haqqında” qanuna uyğun hazırlanıb. Alkoqollu içkilər dedikdə pərakəndə satış ticarət obyektlərində satılan bütün araq məhsulları (meyvə araqları istisna olmaqla) nəzərdə tutulur.

xxx

Antiinhisar və İstehlak Bazarına Nəzarət Dövlət Agentliyinin tabeliyindəki, lakin strukturuna daxil olmayan qurumların siyahısı təsdiqlənib.

Publika.az xəbər verir ki, bununla bağlı Baş nazir Əli Əsədov qərar imzalayıb.

Bu siyahıya aşağıdakı qurumlar daxildir:

- “Azərbaycan Akkreditasiya Mərkəzi” publik hüquqi şəxs;

- “Azərbaycan Metrologiya İnstitutu” publik hüquqi şəxs və onun tabeliyində olan “Kommunal Laboratoriyalar” Məhdud Məsuliyyətli Cəmiyyəti;

- “Azərbaycan Standartlaşdırma İnstitutu” publik hüquqi şəxs;

- “İstehlak Mallarının Ekspertizası Mərkəzi” Məhdud Məsuliyyətli Cəmiyyəti.