Sosial

Nazir müəllimlərin iş saatı haqda: Bundan artıq olmaz

20 İyun 2025 13:52

Məktəb müəllimi həftədə 36 saatdan çox işləməməlidir.

Publika.az "RİA Novosti"yə istinadən xəbər verir ki, bunu Rusiyanın təhsil naziri Sergey Kravtsov deyib.

"Ümumiyyətlə, Əmək Məcəlləsinə görə, bizdə dərs yükü həftədə 36 saatdan çox deyil. Amma vaxtın bir hissəsi dəftərlərin yoxlanılmasına, məktəblilərlə işləməyə, dərsə hazırlığa, fərdi işə sərf olunur", - deyə nazir vurğulayıb.

Onun sözlərinə görə, orta iş yükü 1,4 stavkadan çox olmamalıdır.

Kravtsov vurğulayıb ki, Rusiya Təhsil Nazirliyi yeni tədris ilinin əvvəlindən bütün məktəb fənlərinin tədrisi üçün vahid standartlar tətbiq edir. Onun sözlərinə görə, hər bir sinif hansı mövzuların öyrənildiyini, onlara nə qədər vaxt ayrıldığını, müəllimlərin hansı proqramlardan istifadə etdiyini dəqiq müəyyənləşdirəcək.

Bundan əvvəl Kravtsov qeyd edib ki, son 5 ildə uğursuz məktəblilərin sayı 25%-dən 15%-ə düşüb.

Adəm