Cənubi Qafqaz
Paşinyanın Tbilisi səfərindəki SİRLİ DETAL ORTAYA ÇIXDI - Ağlasığmaz hədəf
Bu gün Gürcüstana səfər edən Ermənistanın baş naziri
Nikol Paşinyanın proqramında Cavaxetiyada ermənilərlə görüşün
keçirilməsi diqqətçəkən detaldır.
Publika.az xəbər verir ki, Paşinyanın səfəri iki gün
(30-31 may) davam edəcək.
Bu səfərin arxasında bir sıra amillər dayanır: Gürcüstan vasitəsilə
Azərbaycan və Türkiyənin blokadasını yarmaq; Abxaziya üzərindən
Rusiyaya tranzitin açılmasına nail olmaq; İqtisadi dəstək əldə
etmək və s.
Paşinyanın Cavaxetiyada ermənilərlə görüşü Ermənistanın yeni
rəhbərinin soydaşları ilə təmas qurması olaraq qəbul edilə bilər.
Lakin bu görüşün altında gələcək separat planlarının da yatdığı
deyilir.
Gürcüstanın Cavaxetiya bölgəsində ermənilər kompakt şəkildə
yaşayır. Onlar bu torpaqların ermənilərə məxsus olduğunu və
Tbilisidən ayrılmaq istəklərini dəfələrlə əyani şəkildə büruzə
veriblər. Misal üçün ötən ilin oktyabrında Cavaxetiyanın Kumurdo
kəndində ermənilər X əsrdən qalma kilsənin həyətində erməni xaçı
qoymaq istəyib. İddia ediblər ki, bu erməni kilsəsidir. Gürcüstan
polisi isə buna müdaxilə edib. Daha sonra qarşıdurma başlanıb.
Gürcüstan mediası yazırdı ki, Kumurdo kəndində 1830-ci ilə qədər
heç bir erməni yaşamayıb.
“Əslində bölgədə erməni təxribatı çoxdan hazırlanırdı. Hələ 2015-ci
ilin yayında 180 erməni Gürcüstanın mədəni irsin mühafizəsi
agentliyi tərəfindən Kumurdoda qədim gürcü kilsəsinin həyətində
aparılan arxeoloji qazıntılarla bağlı Axalkalaki bələdiyyəsinin
sədri Eduard Aqasaryana, Gürcüstan parlamentinin deputatı Samvel
Petrosyana və erməni apostol kilsəsinin keşişi Babkenu Salbiyana
şikayət edib. Şikayət məktubunda gürcü kilsəsində aparılan
arxeoloji qazıntılarda “erməni sümüyünün” tapıldığı iddia olunur və
kilsənin ermənilərə qaytarılması tələb olunur. Halbuki, orada
ermənilərə aid heç bir sümük tapılmayıb. Kumurdoda baş verənlər
ermənilərin başqalarının torpağında kilsələr tikərək, onu necə
mənimsədiyini bir daha sübut edir. Kumurdoda baş verən təxribata
erməni ekstremistlər uzun müddətdir hazırlaşıb. Ermənistanın
Cavaxetiyanın ermənilərə aid olması haqda separatçı fikirlər
səsləndirən Serqey Minasyanı Tiflisə səfir göndərmək istəyi də buna
hesablanmışdı. Lakin Gürcüstan hökuməti bu təyinata qarşı çıxdı.
Bununla belə, erməni ekstremistlər Kumurdoda təxribatı təşkil
etdilər. Maraqlıdır ki, bu təxribat həmin bölgədən keçən strateji
əhəmiyyətli Bakı-Tiflis-Qars dəmiryolu xəttinin işə salınması
ərəfəsində baş verir. Hədəf aydındır: dəmiryolunun keçdiyi regionda
stabilliyi pozmaq. Lakin daha bir hədəf gürcü Pravoslav Kilsəsinə
zərbə endirməkdir. Məsələ ondadır ki, ermənilər rəsmi olaraq 442
gürcü məbədinə iddia edir. Qeyri-rəsmi rəqəmlər isə 650-dir. Bu
təxribatın törədilməsi aydınlaşdırmaq o qədər də çətin deyil. Belə
ki, əgər təxribat baş tutsaydı və gürcü kilsəsi ermənilərə
verilsəydi, bu 442 gürcü məbədinin də onlar tərəfindən
mənimsənilməsi demək idi. Lakin təxribatın qarşısı vaxtında
alındı”, - deyə gürcü mediası vurğulayırdı.
Ermənilərin Gürcüstanda əraziləri iddiaları haqda kifayət qədər
faktlar sadalamaq mümkündür. Cavaxetiya isə Gürcüstandakı erməni
separatizminin əsas yuvasıdır. İndi Tbilisiyə “xoşniyyətlə” gələn
Paşinyanın Cavaxetiya erməniləri ilə görüşü nə dərəcədə təsadüf ola
bilər?
Burada diqqətçəkən məqamlardan biri də Cavaxetiya faktorunun erməni
diasporunun ana prioritetlərindən biri olmasıdır. Paşinyanın da
İrəvanda hakimiyyətə gəlişini erməni diasporunun dəstəklədiyini
nəzərə alsaq, bu iki amili birləşdirəndə Ermənistanın bundan sonra
bölgədə separatizmi daha intensiv şəkildə yayacağını ehtimal etmək
asandır.
Asif
-
Region09:06
I Aram Ərdoğana cavab verdi: Unutmayın ki...
-
Nəqliyyat08:32
Bu yollarda tıxac var - SİYAHI
-
MDB08:17
Generalın və ailəsinin əmlaklarının üzərinə həbs qoyuldu
-
ABŞ08:05
Rusiya nüvə başlığı daşıya bilən peyk hazırlayır - ABŞ
-
Nida Xəbər 07:50
Peter Siyartonun Azərbaycana rəsmi səfəri başladı
-
Sağlamlıq07:10
Yabanı halda bitən bu bitki xərçəng hüceyrələrini 48 saatda məhv edir!
-
İdman06:40
Bellinqem bu gözəllə münasibətə başladı - FOTOLAR
-
Ekopublika.az06:10
Bakıda taksi qiymətləri BAHALAŞDI - SƏBƏB