Sarkisyanın evinin zirzəmisində işgəncələr verilirdi – ŞOK TƏFƏRRÜAT

Ermənistanın sabiq prezidenti Serj Sarkiyanın qardaşı oğlu Narek Sarkisyan adam oğurluğunda və insanlara işgəncə verməkdə ittiham olunur.

Publika.az-ın “RİA-Novosti” agentliyinə istinadən verdiyi xəbərə görə, bu barədə Ermənistan polisinin mətbuat xidmətinin məlumatında bildirilir.

Mətbuat xidmətinin məlumatına görə, hadisə 2017-ci ilin avqustunda baş verib. Paytaxt İrəvanda xarici turistlər üçün gecə klubunu açmaq istəyən 9 yaşlı kişi qurban olub.

“2017-ci ilin avqustun ortalarında Narek Sarkisyanın mühafizə rəisi Artyom Poqosyan həmin şəxsi söhbət etməyə çağırıb. Lakin yol kəsişmələrindən birində sahibkar oğurlanıb və güc tətbiq edilməklə Narek Sarkisyana məxsus evə aparılaraq, zirzəmisinə salınıb”, - polisin saytında dərc edilmiş xəbərdə deyilir.

İdarədən qeyd ediblər ki, sahibkar döyülüb və işgəncələrə məruz qalıb.

“Sarkisyan onu tapançayla hədələyib, qaz avadanlığı ilə yanıq xəsarətləri yetirib. Sonra kişini yük maşınlarının servisi üzrə mərkəzə (Sarkisyana aid olan - red.) gətirərək yenidən döyüblər və yalnız klub biznesiylə məşğul olmayacağı barədə söz verəndən sonra buraxıblar”, - mətbuat xidmətindən əlavə ediblər.

Cinayət axtarışı üzrə baş idarəsi hazırlanmış materialları Baş prokurorluğa göndərib.

Daha əvvəl Narek Sarkisyan silah və narkotiklərin saxlanılması, həmçinin dələduzluqda ittiham edilərək axtarışa verilib.

Ömər