• USD 1,7000 0,00% EUR 1,9837 +0,14%
    • GBP 2,1690 +0,45% RUB 0,0221 0,00%

Xanım sürücü 4 azərbaycanlının ölümünə səbəb oldu - VİDEO

Xanım sürücü 4 azərbaycanlının ölümünə səbəb oldu - VİDEO

Ötən gecə Gürcüstanın Kvemo Poniçala (Soğanlıq) qəsəbəsində ağır yol qəzası törətməkdə ittiham olunan sürücü qadın saxlanılıb.

Publika.az xəbər verir ki, bu barədə Daxili İşlər Nazirliyi məlumat yayıb.

Aparılan əməliyyat-axtarış və istintaq tədbirləri nəticəsində Poniçalada baş verən yol qəzasında təqsirləndirilən şəxs 1995-ci il təvəllüdlü P.G.-ni polis bu gün saxlayıb.

İstintaqla müəyyən olunub ki, sözügedən xanım idarə etməni itirərək əvvəlcə yol kənarındakı dirəyə çırpılıb daha sonra isə yolu piyada keçən Məmmədovlar ailəsinin 7 üzvünü vurub. Məlumata görə sürücü qadın hadisə yerindən qaçıb.

Hadisə ilə bağlı iki və ya daha çox insanın ölümünə səbəb olma maddəsi ilə Gürcüstan Cinayət Məcəlləsinin 128-ci və 276-cı maddəsinin 8-ci hissəsi üzrə istintaq başladılıb.
Saxlanılan qadın sürücünü 6 ildən 10 ilədək həbs cəzası gözləyir.

Xatırladaq ki, qəza zamanı 25 yaşlı qadın və onun 4 yaşlı uşağı hadisə yerində dünyasını dəyişib. Xəsarət alan 4 nəfər xəstəxanaya çatdırılıb, ikisinin həyatını xilas etmək mümkün olmayıb. Onlardan biri 7 yaşlı uşaq olub.

Halal Nemət

Xəbər lenti

DAHA ÇOX XƏBƏR