Cənubi Qafqaz

Dayə iki yaşlı uşağı DÖYDÜ - VİDEO

23 Avqust 2020 18:42

Daxili İşlər Nazirliyinin əməkdaşları azyaşlıya qarşı törədilən fiziki şiddət faktı ilə əlaqədar, 1973-cü il təvəllüdlü L.L-nı saxlayıb.

Publika.az Gürcüstan mətbuatına istinadla xəbər verir ki, bu barədə Daxili İşlər Nazirliyi məlumat yayıb.

Məlumata əsasən, 1973-cü il təvəllüdlü L.L, digər iki dayə ilə birlikdə ailədəki 5 azyaşlı uşağa xidmət göstərirlərmiş. Məlum olub ki, L.L baxıcılığını etdiyi 2 yaşlı uşağa mütəmadi olaraq fiziki şiddət göstərib.
Bu barədə görüntüləri evdə işləyən digər uşaq baxıcıları: Ş.D və İ.B polisə təqdim ediblər. Daha sonra isə polis əməliyyat keçirərək L.L-nı saxlayıb.

Daxili İşlər Nazirliyi faktla bağlı cinayət məcəlləsinin 126-cı maddəsinin müvafiq bəndi əsasında istintaq başladıb. Təqsirləndirilən şəxsi 2 ilədək azadlıqdan məhrum etmə cəzası gözləyir.