Cənubi Qafqaz

İtaliya Bakını dəvət etdi, İrəvanı yox - Minasyan

20 Yanvar 2021 17:03

Azərbaycan G-20 sammitinə dəvət olunub, Ermənistan isə yox.

Publika.az Axar.az-a istinadla xəbər verir ki, bu barədə Ermənistanın Vatikandakı keçmiş səfiri Mikael Minasyan teleqram kanalında yazıb.

“İtaliya G-20-də sədrlik etdiyi dövrdə sammitdə iştirak edəcək ölkələri özü seçir və özü üçün vacib olan dövlətləri dəvət edir. İtaliya nə vaxtsa Ermənistanın dost ölkələrindən biri olub, həm kədərdə, həm də sevincdə yanımızda olub. Ermənistana aid məsələlərə balans prinsipi ilə yanaşıb. İndi isə İtaliya Azərbaycanı G-20 sammitinə dəvət edərək, paritet prinsipini təmin etməyə belə nail olmayıb, Ermənistanı sammitə dəvət etməyib. Nikol, XİN, rəsmi xadimlər, ümumiyyətlə, bütün cəmiyyət, dəhşətli bir şeyin baş vermədiyini iddia edir. Bütün bu deyilənlər diplomatiyamızın, xarici siyasətimizin və dövlət təsisatlarının darmadağın olduğunun sübutudur. Özümüz özümüzə hörmət etmədiyimiz müddətdə başqaları da bizə hörmət etməyəcək”, - o yazıb.