Qasparyanın 3 günü qaldı - Sarkisyan imtina etsə...

Ermənistan prezidenti Armen Sarkisyan baş nazir Nikol Paşinyanın baş qərargah rəisi Onik Qasparyanın vəzifəsindən kənarlaşdırılması ilə bağlı vəsatətini imzalamayıb.

Publika.az xəbər verir ki, bununla belə, Ermənistan konstitusiyasına görə, prezident baş qərargah rəisi Onik Qasparyanı istefaya göndərməkdən imtina etsə də, fərman avtomatik olaraq 3 gün ərzində qüvvəyə minəcək.

Dövlət başçısının mətbuat xidmətindən bildirildiyi kimi, Sarkisyan bu gün “Hərbi xidmət və hərbi qulluqçuların statusu haqqında” qanuna 2018-ci ildə edilmiş dəyişikliklərin konstitusiyaya uyğunluğunu nəzərdən keçirməsi üçün Konstitusiya Məhkəməsinə müraciət edib.

Bundan əvvəl Vahid Ermənistan Partiyasının lideri vəkil Artur Kazinyan bu seçim barədə xəbərdarlıq etmişdi.

Ancaq sual budur ki, Sarkisyanın Konstitusiya Məhkəməsinə etdiyi müraciət Qasparyanın vəzifəsindən azad edilməsinə müdaxilə etmir. Çünki Konstitusiya Məhkəməsi ərizəyə deyil, Paşinyanın bu müraciəti göndərməsinə imkan verən qanunvericilik dəyişikliklərinə baxacaq.

Zümrüd