Cənubi Qafqaz

Ermənistanın eks-prezidentlərinin görüşü "DALANA DİRƏNDİ"

23 Sentyabr 2022 00:30

Bu gün Ermənistanın keçmiş prezidentlərinin Eçmiədzin kilsəsində baş tutmalı olan görüşü təxirə salınıb.

Publika.az xəbər verir ki, bütün ermənilərin katalikosu II Qareginin təşəbbüsü ilə baş tutmalı olan görüş Robert Koçaryan və Serjik Sarkisyanın gecikməsi səbəbindən təxirə düşüb.

Görüşdə Ermənistanın birinci prezidenti Levon Ter-Petrosyanla yanaşı, Robert Koçaryan, Serj Sarkisyan, eləcə də Qarabağdakı separatçıların keçmiş liderləri - Bako Saakyanla Arkadi Qukasyan bi araya gələcəkdilər.

Məlumata görə, görüşdə Ermənistanın düşdüyü hazırkı durum və Azərbaycanla imzalanacaq sülh müqaviləsi ilə bağlı fikir mübadiləsi aparılmalı idi.

Görüşün əsas müzakirə mövzularını isə Ermənistanın ilk prezidenti Levon Ter-Petrosyanın müəyyənləşdirdiyi iddia edilir.

Görüşün qarşıdakı günlərdə katalikosun iqamətgahında keçiriləcəyi vurğulanır.

Tural Turan