Tabloid.az

Aytən Səfərova Səidə Sultanı “duel”ə çağırdı

1 Oktyabr 2014 19:09

Tanınmış teleaparıcı Aytən Səfərova ilə müğənni Səidə Sultan arasındakı gərginlik səngimək bilmir.

Teleaparıcı bu dəfə ANS-də yayımlanan, Səidə Sultanın da iştirak etdiyi “Günəbaxan” verilişində iştirak etməməyinə aydınlıq gətirib. Publika.az xəbər verir ki, son vaxtlar bu barədə ona gələn mesajlardan, edilən zənglərdən təngə gəlib:

“Müğənni Səidə Sultanla aramızda xoşagəlməz insident yaşanıb. “Günəbaxan”da iştirak etməyə qorxdunmu” kimi suallara aydınlıq gətirmək üçün sabah Səidə Sultanı “Salam, Azərbaycan” verilişinin canlı efirinə dəvət etmişəm. Nə olursa, qoy elə canlı efirdə olsun. Amma gələcəkmi Səidə Sultan xanım? Bax əsas məsələ budur!”

Qeyd edək ki, teleaparıcı-müğənni qarşıdurması Səfərovanın yazdığı “Səidə Sultan kimdir, şou-biznesə hansı xidmətləri olub” statusundan sonra başlayıb.

İntiqam VALEHOĞLU