Türkiyəli cazmen bakılıları valeh etdi – FOTOLAR

Bakıda Türkiyənin Azərbaycandakı səfirliyinin təşəbbüsü ilə keçirilən “Türkiyə Caz Festivalı”nda Türkiyənin məşhur caz ifaçısı Senem Diyici səhnəyə çıxıb.

Publika.az-ın məlumatına görə, fərqli caz tərzi ilə, Azərbaycan tamaşaçılarına unudulmaz bir gecə yaşadan, Senem Diyicinin musiqisevərlər ayaqüstə alqışlayıblar. Diyicinin konsertində Azərbaycanın tanınmış kamança ifaçısı Munis Şərifov da çıxış edib.

Məlumat üçün bildirək ki, Senem Diyicinin konsertində Türkiyənin Azərbaycandakı səfiri Alper Coşkun və Türkiyənin Azərbaycanda fəaliyyət göstərən məşhur opera ifaçısı Oya Ergün də iştirak edib.

Onu da qeyd edək ki, konsert zamanı Senem Diyici, Oya Ergünü səhnəyə dəvət edərək ondan Azərbaycan mahnısı ifa etməsini istəyib. O.Ergün iki Azərbaycan xalq mahnısı oxuyub.

Oktyabr aynın 16-dək davam edəcək “Türkiyə Caz” festivalı çərçivəsində konsert vermək məqsədi ilə Türkiyədən bir çox tanınmış caz ustaları Azərbaycana gələcək. Onların sırasında Şenay Lamdaoğlu, Evrim Demirel Ensemble və başqaları var.

Festivalın sonuncu günü Azərbaycanda fəaliyyət göstərən məşhur türk ifaçısı Oya Ergün konsert proqramı ilə çıxış edəcək.

Cəvahir