Vüsalə Əlizadə ölümünü gözə alıb bunu etdi - Foto

Bu gün tanınmış teleaparıcı Vüsalə Əlizadənin qızı Diləyin 2 yaşı tamam olur.

Publika.az xəbər verir ki, teleaparıcı “instaqram” səhifəsində qızını belə təbrik edir:

“Bu gün həyatımın ən gözəl gününü sizlərlə paylaşmaq istəyirəm. Bunu fikirləşib qərara gəldim - dostlar, əzizlərim sağ olsun.

Mən həyata 3 dəfə gəlmişəm. Birinci doğum günüm, ikinci anam canının bir parçasını mənə verən gün ,ikinci isə, ölümümü gözə alıb qızımı dünyaya gətirdiyim gün .

Bu gün mənim həyat qaynağım, ciyərparəm, cismim, ruhum, yaşam gücüm, göz bəbəyimin doğum günüdür. Allahıma min şükürlər olsun ki, Diləyim var.

Onun gəlişi həyatımı dəyişdi, lakin bu dəyişiklik təkcə mənim üçün oldu. Bunu hiss etdiyim an bu ğunkü yaşam günümə qərar verdim. Bəli, el qınağı çox çətindir, bir tanınmış qadına daha çox çətindir, amma bala düşmən qapısına aparar, o da düzdü.

Bircə onu bilirəm ki, tanrımın sevilən bəndəsiyəm. Allahım məni boynubükük etmədi, hər sınaqdan alnı açıq, üzü ağ çıxdım. Balama canım qurban, xoşbəxt ol mənim arzum, diləyim.

Analar fədakar olurlar deyilər, mən gözümü sənin üçün yumdum, sənin üçün susdum. İnşallah böyük qız olub, dərk edəndə o, hər şeyi başa düşəcək. Allah övlad qədri bilib, onun üçün yaşayan hər kəsə nəsib etsin inşallah.

Bu gün mən çox xoşbəxtəm, nur topu kimi, dünya yaraşığı balam var, ana sənə qurban olsun”.

Elvin Elxan