Teleaparıcı Xose Bernardo narkotik qəbul edir? – EKSKLÜZİV

"Hüseyn Dərya mənə zəng edib dedi ki, eşitmişəm narkotik qəbul edirsən?"

"Narkotik istifadə etmədiyini hamıya isbat edəcəyəm"

Tanınmış teleaparıcı Xose Bernardo haqqında yayılmış söz-söhbətləri rep ifaçısı Hüseyn Dəryadan eşidib.

Bu barədə Publika.Az-a teleparaıcı özü məlumat verib. X.Bernardo bildirdi ki, haqqında yayılmış bu cür xoşagəlməz söz-söhbətlərdən xəbərsizdir:

"Hüseyn Dərya mənə zəng edib dedi ki, eşitmişəm narkotik qəbul edirsən? Bu barədə mənə neçə nəfər zəng edib. Əgər belə bir şey varsa, mənə de. Dedim ki, elə bir şey yoxdur. Özün də bilirsən ki, mən elə adam deyiləm. Narkotik mənlik deyil.

Ümumiyyətlə, onun istifadəçiləri ilə qəti şəkildə ünsiyyətim yoxdur. Həm ailəmiz buna pis baxır, həm də bu, mənim həyat tərzimə uyğun deyil. Bu cür söhbətləri xoşagəlməz insanlar yayır. Məqsədləri məni camaatın gözündən salmaqdır".

X.Bernaorda onu da qeyd etdi ki, məsələ ilə bağlı həkimə müraciət edib və cavab gözləyir:

"Narkotik istifadə etmədiyimi hamıya isbat edəcəyəm. Bilsinlər ki, mən narkotik istifadəçisi deyiləm".

Fuad Mədətov

Publika.Az