Tabloid.az
Gənc ifaçı Şamaxıda klip çəkdirəcək
Beynəlxalq Muğam Müsabiqəsinin diplomantı, gənc xanəndə Nişanə Baxışovanın Publika.Az-a müsahibəsi
- Bu günlərdə Fransadan səfərdən qayıtmısınız. Səfər nə ilə
bağlı idi?
- Fransadan çox gözəl təəssüratlarla qayıtmışıq. Azərbaycan
nümayəndə heyəti ilə mayın 29-dan iyunun 6-dək İsveçrədə və
Fransada qastrol səfərindəydik. Fransada konsert proqramı ilə çıxış
etdik. Mədəniyyət və Turizm Nazirliyi və Xarici İşlər Nazirliyinin
dəstəyi ilə mayın 30-da İsveçrənin Cenevrə şəhərində qala
konsertimiz oldu. Daha sonra Fransaya yola düşdük. Burada 3 şəhərdə
konsert verdik. Xüsusilə, Evian və Tinyon şəhərlərində keçirilən
konsertlər yaddanqalan oldu. Belə ki, Azərbaycanın Şamaxı şəhəri
ilə Fransanın Qaylard şəhəri qardaş oldu.
Mən səhnəni həmkarım Elbrus Niftəliyevlə bölüşdüm. Bir saat davam
edən konsertdə muğam, caz, vokal, milli rəqslərimizdən ibarət
nömrələr təqdim olundu. Xarici vətəndaşların bizə münasibətləri çox
yüksək səviyyədə idi. Biz mahnını ifa edərkən tamaşaçılar arasında
göz yaşlarını saxlaya bilməyənlər də vardı. Bir sözlə, çox razı
qaldılar. Bizə söylədilər ki, istəyirik ki, siz bizim ölkədə hər il
konsert proqramı ilə çıxış edəsiniz. Biz bu təklifi fərəh hissi ilə
qarşıladıq.
- Hazırda nə kimi yaradıcılıq işlərilə məşğulsunuz?
- Dövlət tədbiri ilə əlaqədar klipmizin bəzi çəkiliş prosesi
yarımçıq qalıb. İnşallah, işimizi tamalayandan sonra, bu barədə ilk
sizə məlumat verəcəyəm. Ustadım Əlibaba Məmmədovun bəstəsi olan
“Gəl bizə yar” mahnısına doğulduğum Şamaxı şəhərində klip
çəkdirəcəyəm. Bunu yaxın günlərdə bitirmək fikrindəyəm.
- Bəzi dövlət konsertlərində iştirak edən xanəndələrin seçimini
kimlər edir?
- Mədəniyyət və Turizm Nazirliyi tərəfindən seçilirik. Və seçiləndə
də harada olursa, Azərbaycanı yüksək səviyyədə təmsil etmişəm.
Təbii ki, məni istedadıma görə seçirlər.
- Həmyaşıdlarınızın ifasında, səhnə mədəniyyətində, geyimlərində
və s. xanəndəyə yaraşmadığını qocaman sənətkarlardan eşidirik. Gənc
xanəndə olaraq, bu barədə nə deyə bilərsiniz?
- Hələ ki bizim sahədə hər şey çox yüksək səviyyədədir. Başqa heç
nə deyə bilmərəm. Hər bir şəxs özünə cavabdehdir. O cümlədən, mən
də özümə cavabdehəm. Arzu edirəm ki, muğam sənətimiz bu cür də
davam etsin.
- Gənc xanəndələr ifa etdikləri muğamlarda yeni qəzəllər
səsləndirmirlər...
- Bəli, düzdür... burada elə həmin xanəndələrin özləri
təqsirkardır. Ustadımın bir sözü vardı: “Nə qədər öz üzərində
işləsən, nə qədər günü-gündən yeni qəzəllər səsləndirsən və nə
qədər xalq mahnılarını ifa etsən, özünə bir o qədər hörmət
qazanarsan”.
- Nəzərə alın ki, elə ustad xanəndələr var ki, neçə ildir ifa
etdikləri muğamda eyni qəzəlləri səsləndirirlər. Bəs buna nə
sözünüz?..
- Eyni muğamla, qəzəllə tamaşaçıları yormaq olmaz. Əgər gündəlik
eyni mahnını ifa edəcəksənsə, inanmıram ki, bununla yaxşı nə isə
qazanasan. Eyni sözləri, musiqini nə qədər təkrar etmək olar? Yeri
gələndə özüm də təkrarçılığa yol vermişəm. Amma onu etiraf edim ki,
bu baxımdan əvvəllər tənbəl idim. Hazırda isə çalışıram.
- Xanəndənin bəstəkar mahnısı oxuması və yaxud müğənninin muğam
oxuması... sizcə, bu ifaçıların janr baxımından seçimləri
düzgündür?
- Niyə də olmasın? Əgər bir insanın səsi, qabiliyyəti və
ümumiyyətlə, istedadı varsa, həmin şəxs muğam da, caz da, pop da
oxuya bilər. Əgər həmin ifaçının sənəti xanəndəlikdirsə, elə muğam
oxusa, yaxşıdır. Həmyaşıdlarımın ifasında bir nöqsan hiss edirəmsə,
buna cavab verirəm, özlərinə deyirəm. Min şükür, hazırda elə də
problem yoxdur. Mən xanəndəyəm. Estrada mahnısını bir dəfə oxuya
bilərəm. İkinci dəfə isə hətta istəsəm də o mahnını oxuya bilmərəm.
Çünki artıq mənim yolum var.
- Bəzi müğənnilər gənc xanəndələrdən muğam dərsləri alırlar.
Niyə qocaman sənətkarlara deyil, məhz gənc xanəndələrə müraciət
edirlər? Maddi məsələ ilə bağlıdır?
- Muğamda hər hansı tələbəni və yaxud müğənnini hazırlaşdırmağın,
maddiyyatla heç bir əlaqəsi yoxdur. Şəxsən mən özüm də dərs
keçirəm. Tələbələrimə deyirəm ki, düz yolunuzu seçin və bu yolla
gedin. Çünki müəllimlərimdən belə öyrənmişəm.
Fuad Mədətov
Publika.Az
-
Sosial22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin222:00
Sevgilisi məşhur aktrisanı döydü: "Aylarla..."
-
Sosial21:36
Daxili İşlər Nazirliyi əhaliyə ÇAĞIRIŞ ETDİ
-
İnanc21:24
Ramazanın 19-cu gününün duası - İmsak və iftar vaxtı
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI