Tabloid.az

Teatrda premyera - “Məlikməmməd və sehrli almalar” - FOTOLAR

12 Mart 2015 17:20

Dövlət Gənc Tamaşaçılar Teatrı Novruz bayramı ərəfəsində daha bir yeni tamaşasını öz seyrçilərinə təqdim etməyə hazırlaşır. “Məlikməmməd” xalq nağılı əsasında səhnələşdirilmiş yeni tamaşa “Məlikməmməd və sehrli almalar” adlanır.

Teatrdan publika.az-a verilən məlumata görə, tamaşanın quruluşçu rejissoru əməkdar artist Nicat Kazımov, quruluşçu rəssam Elnur Babayev, musiqi tərtibatçısı Zaur Rəşidov, rejissor Müşfiq Əliyev, rejissor assistenti Günay Qasımovadır.

Yeni səhnə əsərində rolları Asya Atakişiyeva, Günel Məmmədova, Roza İbadova, Zümrüd Quliyeva, Təhminə Məmmədova, Səbinə Məmmədova, Araz Pirimov, Bəhram Həsənov, Müşfiq Əliyev, Elşən Şıxəliyev, Eyvaz İbrahimov, Rasim Cəfərov, Ramil Məmmədov, Vahid Orucoğlu, Eşqin Quliyev, Anar Seyfullayev, Yusif Dadaşov, Xəyal Salahov ifa edəcəklər.

Tamaşanın premyerası martın 14-də saat 12.00 və 14.00-da nümayiş olunacaq.

Cəvahir