Tabloid.az
Xalq Rəssamı Tofiq Ağababayevin fərdi sərgisi keçiriləcək
Azərbaycan Respublikası Mədəniyyət və Turizm Nazirliyi və Azərbaycan Milli İncəsənət Muzeyinin birgə təşəbbüsü ilə Azərbaycanın Xalq rəssamı Tofiq Ağababayevin 85 illik yubileyinə həsr olunmuş fərdi sərgisinin açılış mərasimi 20.02.2014 tarixində, 18:00-da Azərbaycan Milli İncəsənət Muzeyində keçiriləcək.
Sərgidə rəssamın rəngkarlıq, qrafika və keramika sahəsindəki
fəaliyyətini əks etdirən əsərlər nümayiş olunacaq.
Tofiq Məmmədəli oğlu Ağababayev 1928-ci il, sentyabr ayının 8-də
Bakı şəhərində anadan olmuşdur. İlk rəssamlıq təhsilini
1946-1951-ci illərdə Ə.Əzimzadə adına Rəssamlıq məktəbində almış,
daha sonra isə Sankt-Peterburqda keçmiş V.Muxina adına Ali-sənaye
Rəssamlıq Məktəbinin (indiki Baron Stiqlits adına Rəssamlıq
Akademiyası) keramika-şüşə fakültəsində təhsilini davam
etdirmişdir.
Yaradıcılığının ilk illərindən özünün fərdi üslubu ilə fərqlənən rəssam, dəzgah rəngkarlığı və qrafika növlərində bir çox əsərlərlə bərabər, monumental rəngkarlıq və dekorativ tətbiqi sənət növlərində də əsərlər müəllifi kimi özünü tanıda bilmişdir. Mənzərə, natürmort, portret janrlarında işlədiyi "Köhnə Bakı mədənləri", "Sufi Həmid", "Qırmızı şlyapa", "Abşeron kəndi", "Azərbaycan lirikası" adlı keramik triptix, "Füzulinin portreti", "Şeyx Şamil", "İzzət Orucova", "İlyas Əfəndiyev"in portretləri, "Narla natürmort" və s. əsərləri Tofiq Ağababayevin geniş yaradıcılıq imkanlarına malik istedadlı sənətkar olduğuna əyani sübutdur.
O, müxtəlif yerli və xarici ölkə sərgilərinin iştirakçısıdır.
Əsərləri Azərbaycan, Rusiya və ABŞ muzeylərində, Kanada, Türkiyə,
Fransa, Rusiya və digər ölkələrin nüfuzlu şəxsi kolleksiyalarda
saxlanılır.
Tofiq Ağababayevin yaradıcılığı dövlət tərəfindən daima
qiymətləndirilmiş, 1981-ci ildə Azərbaycan Respublikasının Əməkdar
ali məktəb işçisi, 1992-ci ildə Azərbacan Respublikasının Əməkdar
incəsənət xadimi, 2006-cı ildə isə Azərbaycan Respublikasının Xalq
rəssamı adlarına layiq görülmüşdür. O, eyni zamanda 2008-ci ildən
Azərbaycan Respublikası Prezidentinin təqaüdçüsüdür.
Tofiq Ağababayev öz bilik və bacarığını həvəslə gənc rəssamlar
nəslininyetişdirilməsində əsirgəmir. 1964-2000-ci illərdə M.Əliyev
adına Azərbaycan Dövlət İncəsənət İnstitutunda, 2000-ci ildən isə
Azəbaycan Dövlət Rəssamlıq Akademiyasında dərs deyir,
professordur.
Sərgi fevral ayının 28-dək davam edəcək.
Ünvan: Bakı şəhəri, Niyazi küçəsi 11Əlaqə telefonu: (+994 12) 492-
50-19 (114)
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO
-
Magazin208:36
Kristofer Nolan cəngavər olacaq, xanımı isə... - FOTO