Tabloid.az

Yay meyvələrindən hazırlanan dadlı salat

25 İyun 2014 18:23

İsti yay günlərinin dadını çıxarmaq istəyənlərə

Yay meyvələri orqanizm üçün çox faydalıdır. Bunu nəzərə alaraq isti yay günlərində rahatlıqla yeyə biləcəyiniz dadlı salatın reseptini təqdim edirik:

Lazım olan məhsullar:

2 stəkan yoqurt
2 şirniyyat qaşığı pudra şəkər
2 armudu stəkan ərik suyu
8 biskvit

1 alma
1 banan
1 stəkan popkorn

Yarım stəkanı dondurulmuş böyürtkən

Yarım stəkanı dondurulmuş albalı

Yarım stəkanı qarağat

Hazırlanma qaydası:

Əvvəlcə salatı süfrəyə hansı qabda verəcəyinizi seçin. Həmin qablara biskvitləri iki-iki yerləşdirin. Bir stəkanı ərik suyu ilə biskvitləri isladın. Yoqurtu qalan ərik suyu və pudra şəkəri ilə çırparaq duru hala gətirin. Daha sonra qarışığın yarısını biskvitlərin üzərinə əlavə edin.

Alma və bananı kub şəklində doğrayın. Yoğurtun üzərinə düzün. Təkrar yoğurt əlavə edib üzərinə bol popcorn səpin. Böyürtkən, albalı və qarağatla bəzəyib süfrəyə təqdim edin.

Tabloid.az