“Natəvan, sevgilinin əli apelyasiyaya keçməyəcək!”

Nəsimi Rayon Məhkəməsinin qərarına əsasən, Aygün Kazımova, Tarix Əliyev (Tolik), Zöhrab Ağayev (Zorik) Natəvan Həbibinin erməni milliyyətinə mənsubluğu barədə yaydığı yalan məlumatı və işlətdiyi təhqiramiz ifadələri təkzib etməli, ondan üzr istəməlidirlər.

Tabloid.az xəbər verir ki, Aygün Kazımova hələlik sussa da, Türkiyəyə alış-verişə gedən Tolik (Tarix Əliyev) Natəvan Həbibiyə sosial şəbəkə vasitəsilə ismarıc göndərib.

“Deyirəm ki, nə yaxşı mən bilirəm ki, sevgilin kimə zəng edib xahiş eləyib ki, tapşır biz məhkəmədə udsun. O adam da sağ olsun məhkəmədə deyib ki, mənim hər ikisi ilə münasibətim var. Bunu edə bilmərəm. Mən Apelyasiya Məhkəməsinin düzgün qərar verəcəyinə inanıram. Bu ölkədə kiminsə sevgilisi hansısa nazirin qardaşı ilə dostudur, hansısa icra hakiminin müavininin dostudur... Belə şeylər keçməyəcək. Mən Azərbaycan vətəndaşıyam, mənim prezidentim var. Sənin sevgilinin əli apelyasiyaya keçməyəcək. Mən dedim axı havayı reklam qurtardı!”