Türkiyədə fəaliyyət göstərən model Günay Musayeva qardaş ölkədə mükafata layiq görülüb.
Tabloid.az xəbər verir ki, model göstərdiyi fəaliyyətinə görə “Türkiyə-Azərbaycan sənət səfiri” seçilib.
“Bu mükafat mənim üçün çox önəmlidir. Çünki ölkəmi təmsil edirəm. Mükafatı almaq üçün səhnəyə çıxarkən söylədim ki, Azərbaycanla qürur duyuram. Hər müvəffəqiyyətim ölkəm üçündür, bu mükafatı da Azərbaycan adına almışam”- deyə G.Musayeva bildirib.
Qeyd edək ki, Çırağan sarayında keçirilən mükafatlandırma mərasiminə Türk dünyasının tanınmış simaları ilə yanaşı xalq artisti Brilliant Dadaşova da qatılıb.
