İnsanı üz quruluşuna görə tanımaq məharəti - Fotolar

Üz oxuma sənəti çox qədim illərə söykənən əslində fəlsəfi bacarıqdır. Tabloid.az üz quruluşuna görə xarakter analizini təqdim edir:

Yumru və ya girdə: Su ünsüründən olan bürclərdə daha çox müşahidə edilən girdə üz xətləri həssas şəxsiyyətə işarə edir. Yaxşı valideyn olurlar. Mühafizəkar, sakit şəxsiyyətlərdir. Dostları çoxdur. Ünsiyyət qurmağı sevirlər. Kökəlməyə meylli olurlar. Yemək yeməyi sevirlər. Romantizm və seks onların həyatında çox əhəmiyyətlidir.

Düzbucaqlı və ya uzunsov: Torpaq ünsüründən olan bürclərdə tez-tez görülür. Həyatlarını sevdiyi insana həsr etməyi və çox işləməyi sevirlər. Praktikdirlər. İstənilən vəziyyətdən çıxış yolu tapırlar, hər halda nə edəcəklərini yaxşı bilirlər. Pəhriz kiçik problemləri ola bilər. Çünki xarici görünüşlərinə çox önəm verirlər. Ani qəzəb partlayışlarından dolayı ətrafdakıları narahat edə bilərlər.

Kvadrat: Sağlam və fəaldırlar. Od ünsürünün təsiri hiss olunur. Yeməyi sevirlər, amma kalorini çox sürətlə sərf edirlər. Sağlamlıq baxımından dəri problemləri ola bilər. Kəskin və iti zəkaya malikdirlər. Çoxbilmiş şəxsiyyət olduqları üçün bu, bəzən çətin vəziyyətlər yarada bilər. Araşdırmağı, kəşf etməyi sevirlər. Maraqlıdırlar və səyahəti çox sevirlər.

Üçbucaq: Hava ünsürünün skeptisizmi problem yaratsa da, bəzən də həyatı xilas edə bilər. Hər şeydən şübhə etdikləri üçün çox zaman səhv anlayırlar. Çox çalışqan və intizamlı olurlar, eyni zamanda dəyişkəndirlər. Qərarsızdırlar, amma çox xarizmatikdirlər. Təsiredici görünüşləri bir çox qapını asanlıqla aça bilər.

Saç formasına görə: Qarşınızdakı adamın saçları zəif telli, düz və parlaqdırsa, həssas şəxsiyyəti olduğunu göstərir. İncə düşüncəli, kübar insanlardır. Küsəyən olurlar.

Qalın saçlar: Qalın qıvrım saçlar güclü şəxsiyyəti göstərir. Tutduğunu qoparan, ehtiraslı, əzmli insanlardır. Lakin çox tez əsəbiləşirlər.

Alın hissəsinə görə analiz:

Geniş alın: Ağlın rəmzidir. Zəkalı insanlardır. Hiyləgər olurlar.

Dairəvi alın: İdealist və dostcanlıdırlar.

Dar alın: Danışmazdan əvvəl düşünməyi sevən, ciddi, məsuliyyət sahibi insanlardır.

Düz alın: Praktik və siyasi fəaliyyəti olan insanlardır. Hər vəziyyətə ayaq uydura bilirlər.

Çox qabarıq alın: Xəyal gücünün çox gərgin olduğunu göstərir.

Şiş alın: Yüksək zəkalı dahilərdir.

Göz quruluşuna görə analiz: Göz insanın ən açıq ərazisidir. Bütün duyğular, sıxıntılar, məhəbbət, nifrət gözlərdə gizlənir. Bəzi gözlər soyuq baxır, bəzisinin gözlərinin içi gülür. Gözlərinizin necə olmasından asılı olmayaraq, siz heç vaxt danışan zaman gözlərinizi qaçırmayın, bu zaman qarşı tərəfə həm güvən verərsiniz, həm də qorxduğunuzu göstərər. Danışarkən qarşı tərəfin gözlərinin içinə baxın.

Kiçik batıq gözlər: Sirli, sirr saxlamasını bilən, başa düşülməsi çətin insanlardır. Onlarla ünsiyyət qurmaq üçün uzun müddət çalışmaq lazımdır.

Böyük göz bəbəkləri: Ağı az olan iri gözlü insanlar öz dünyalarında yaşayırlar. Özləri haqqında danışmazlar və heç təxmin etmədiyiniz sirləri ola bilər. Bacarıqlıdırlar. Ali idealları var.

Kiçik göz bəbəkləri: Əsəbidirlər, yerlərində durmurlar. Cəsarətə ehtiyacları ola bilər.

Böyük gözlər: Üzdə böyük gözlər tolerantlığı bildirir, geniş fikirli insanların gözləri adətən böyük olur. Nüfuza və şan-şöhrətə çox tab gətirə bilməzlər. Azadlıqlarına düşkündürlər.

Göz çuxuru dərin olan gözlər: Ciddi, idealist və yaxşı motivasiya edə bilən insanlardır. Fəlsəfi mövzulara maraq göstərirlər, sənətə meyillidirlər.

Daim gözlərini oynadanlar: Maskalı və əqidəsizdirlər. Daim ətrafa baxırlar. Etibarsız olma ehtimalları çoxdur.

Burun formasına görə analiz:

Dik iti burun: Maraqlı eyni zamanda zəkalıdır.

Böyük burun: Yüksək enerji səviyyəsi olan materialist şəxsiyyətin rəmzidir.

Balaca burun: Utancaqdırlar.

Nazik burun: Dəyişkən, əhəmiyyətsiz detallara fikir verirlər.

Geniş pərdəli burun: Özünü yaxşı ifadə edə bilir, tez hirslənir.

Qısa burun: Xoşbəxt və təbiidir.

Uzun burun: Qürurlu və əsəbidirlər.

Qısa, dik burun: Dostcanlı, amma dəhşətli vasvası olurlar.

Dodaq xətlərinin aydınlığı şəxsiyyətin enerjili olmasına işarədir.Gülməyi sevən insanların dodaq kənarlarında incə cizgilər var.

İti çənə barışmazlığı, inadçılığı, çox qabarıq çənə hökmran şəxsiyyəti, balaca çənə zəifliyi təmsil edir.

Qulaq quruluşuna görə analiz:

Başa yapışıq kimi dayanan yastı qulaqlar: Qənaətcil, planlı olur. İşi şansa buraxmağı sevmirlər.

Çömçə qulaqlar: Yalnız, orijinal olurlar.

Kiçik məməli qulaqlar: Müstəqil, mühafizəkardırlar.

Böyük məməli qulaqlar: Müstəqil, parlaq fikirlidirlər.

Böyük qulaqlar: İntellektual.

Uzun qulaqlar: Cəsur.

Kiçik qulaqlar: İnstinkti çox qüvvətlidir.

Məməsi olmayan qulaqlar: Laqeyd və məsafəli.