Azərbaycana gətirilən mobil telefonların qeydiyyat müddəti azaldılıb
Bizi izləyin

Texnoloji

Azərbaycana gətirilən mobil telefonların qeydiyyat müddəti azaldılıb

Azərbaycana gətirilən mobil telefonların qeydiyyat müddəti azaldılıb

Azərbaycan Rabitə və Yüksək Texnologiyalar Nazirliyi ölkəyə gətirilən mobil telefonların IMEI-kodlarının qeydiyyat müddətini 60 gündən 30 günə kimi azaldıb.

Nazirlikdən Publika.az-a verilən məlumata görə, əvvəl qeydiyyat müddətinin uzadılması ilə bağlı qərarın qəbul edilməsinə səbəb Avropa Oyunları ilə əlaqədar mobil telefondan istifadə zamanı istifadəçiləri problemsiz rabitə ilə təmin etmək olub.

Hazırda respublika ərazisinə gətirilən mobil qurğuları 30 gün ərzində qeydiyyatdan keçirmək lazımdır. Bu qayda Azərbaycana gələn, mobil telefonların rouminq xidmətindən istifadə edən turist və qonaqlara tətbiq edilmir.

Qeyd edək ki, şəxsi istifadə üçün gətirilən mobil qurğunun IMEI-kodunun qeydiyyatının qiyməti 5 manat, kommersiya satışı üçün isə 0,2 manatdır.

Bundan başqa, mobil qurğunu "Elektron hökumət" (e-gov.az) portalı və imei.az saytının köməyi ilə qeydiyyatdan keçirmək mümkündür. Qeydiyyat 24 saat ərzində həyata keçirilir.

Oxumağa davam et
Reklam
Reklam

Gündəm

Zəfaran Hospital
Səba