Texnoloji

Yüksək sürətli nadir şəbəkə yaradılacaq

8 Avqust 2015 07:41

İfrat yüksək sürətli optik lifli kabellər Qərb sahili Universitetinin laboratoriyalarının klasterini və superkompyuter mərkəzlərini vahid şəbəkədə birləşdirəcək.

Sakit Okean Tədqiqat Platforması adlandırılacaq şəbəkə Milli Elm Fondu tərəfindən ayrılan beş milyonluq qrant çərçivəsində inşa ediləcək.

Nadir şəbəkə fizika, kimya, astronomiya, genetika və digər sahələrdə müxtəlif həcmli hesablamaların dəstəklənməsi üçün çox böyük həcmli məlumat ötürməyə imkan verir. Bu şəbəkə İnternetə qoşulmayacaq. Bunun müqabilində Kaliforniya Universitetinin on kampusu arasında məlumat mübadiləsinin sürəti saniyədə 100 qiqabitə çatacaq.